Kate hættir hjá undirfatafyrirtæki

Kate Moss mun ekki endurnýja samning sinn sem andlit undirfatafyrirtækisins Agent Provocateur en hann rennur út í ágúst. Ofurfyrirsætan hefur setið fyrir á fjölda myndum fyrir fyrirtækið og auk þess myndböndum í anda Lísu í Undralandi. Vefsíða fyrirtækisins hrundi þegar fyrstu myndböndin voru sett á netið vegna fjölda fólks sem reyndi að skoða þau.

Fyrirtækið var stofnað árið 1995 af Serenu Rees og eiginmanni hennar Joe Corre. Persónulegur ágreiningur á milli þeirra hefur skemmt samstarfið en Rees er sögð hafa átt í framhjáhaldið með Paul Simonon, bassaleikara The Clash.

Eiginmaðurinn er víst góður vinur Moss og hafði fyrirsætan hótað því að rifta samningnum vegna ástandsins. Það gekk þó ekki eftir og Moss mun starfa fyrir fyrirtækið út ágúst. „Herferðin okkar með Kate lýkur í ágúst og við höfum nú þegar valið okkur nýtt andlit,“ sagði Rees í viðtali. „Það er auðvitað hernaðarleyndarmál hver það er en hún er töluvert ólík Kate. Hún er ekki eins kynþokkafull á augljósan máta.“