Þakklát Armani

Leikkonan Michelle Pfeiffer segist eiga margt að þakka hönnuðinum Giorgio Armani en hann bauðst til þess að klæða hana upp þegar hún var að leika í myndinni Scarface árið 1983.

„Ég vissi ekki að fólk í kvikmyndaiðnaðinum gerði slíka hluti,“ sagði hún í viðtali við Contactmusic. „Ég man að ég hugsaði: „Afhverju ætti einhver að vilja klæða mig upp? Og hver er þessi Giorgio Armani?“ Nú er hann sálufélagi minn,“ sagði Pfeiffer.

„Hann getur stundum lagað sig að klikkuðum persónuleika mínum. Ég vil ekki þurfa að hugsa um í hverju ég á að vera á stórum viðburðum. Hann bjargar mér frá því að vera á listunum yfir þær verst klæddu.“