Svefnlaus af ótta

Sienna Miller fær ekki mikinn svefn þessa dagana. Leikkonan sætir ofsóknum klæðskiptings sem kallar sig Peter, og hefur ráðið sér lífverði vegna ótta við hann. „Undarlegum bréfum rignir bókstaflega yfir Siennu. Aumingja stelpan hefur verið svo hrædd að hún getur ekki sofið,! sagði heimildarmaður Daily Star um ástandið hjá leikkonunni.

Sienna lætur ofsóknirnar þó ekki stöðva sig alveg. Eftir frumsýninguna á myndinni Factory Girl setti hún stefnuna á St. Martin hótelið í London ásamt systur sinni og vinum, og hélt partíinu gangandi nóttina á enda.