Ferðast um Indland

Breska leikkonan Elizabeth Hurley og eiginmaður hennar, Arun Naya, eru um þessar mundir stödd í Mumbai á Indlandi í brúðkaupsferð sinni. Hurley og Naya giftu sig í kastala í Englandi síðastliðinn föstudag og var fjöldi stjarna viðstaddur.

Þau munu dvelja í sex daga á Indlandi og ætla m.a. að heimsækja foreldra Naya sem búa í Mumbai. Einnig er talið að Parmeshwar Godrej, eiginkona viðskiptajöfursins Adi Godrej, ætli að halda fyrir þau glæsilega veislu. Godrej er þekkt fyrir veislur sínar og hefur áður tekið á móti þekktum nöfnum á borð við Richard Gere og Goldie Hawn.