Clinton þénar vel á fyrirlestrum

Bill Clinton, fyrrverandi Bandaríkjaforseti, þénaði meira en 10 milljónir bandaríkjadala, eða andvirði 620 milljóna íslenskra króna, fyrir ræðuhöld á síðasta ári.

Forsetinn fyrrverandi flutti 57 launaða fyrirlestra á síðasta ári og þénaði milli 75 þúsund og 45 þúsund dali á hverjum fyrirlestri, eftir því sem fram kemur í gögnum sem Hillary Clinton skilaði til öldungadeildar Bandaríkjaþings í síðasta mánuði.

Clinton hjónin voru stórskuldug þegar þau yfirgáfu Hvíta húsið í lok forsetatíðar Bills. Þá skulduðu þau lögfræðingum hátt í sex milljónir dala, en eignir þeirra voru metnar á 1,5 milljón dala. Nú nema eignir þeirra tugum milljóna dala.