Forsætisráðherra Taílands hefur störf

Forstætisráðherra Taílands, Surayud Chulanont, hóf embættisferil sinn á því að heimsækja búddahof í Bangkok og fékk blessun 93 ára gamals búddamúnks. Þar á eftir fundaði hann með sendiherra Bandaríkjanna í Taílandi, Ralph Boyce. Forsætisráðherrann talaði ekki við blaðamenn en sendiherrann sagði áríðandi að koma á lýðræðislega kosinni ríkisstjórn.

Chulanont er tuttugasti og fjórði forsætisráðherra Taílands. Hann segist ætla að leggja minni áherslu efnahag landsins, en meiri á að sameina landa sína sem hafa skipst í tvær fylkingar vegna mismunandi áherslna fyrrum valdhafa og þeirra núverandi. Þá vill hann leita sátta með herskáum múslimum sem hafa tekið sér bólfestu í suðurhluta Taílands.

Chulanont steypti fyrrum forsætisráðherra af stóli með hervaldi 19. september. Hann er 63 ára gamall og fyrrum yfirforingi í hernum. Hann er þekktur fyrir að vera diplomatískur og laus við spillingu.