Það er engin pressa á mér eða liðinu

Jose Mourinho segist ekki hafa nokkrar áhyggjur af því þó Manchester United sé á mikilli siglingu í ensku úrvalsdeildinni, því leikmenn Chelsea hafi titilvörnina algerlega í höndum sér og því eigi sprettur United ekki eftir að skila neinu þegar upp verði staðið.

"Það góða við stöðu okkar í deildinni er að við þurfum ekki að hafa nokkrar einustu áhyggjur af því hvað Manchester United er að gera - við þurfum bara að hugsa um okkar leiki. Það skiptir okkur engu máli þegar United vinnur leiki, en þeir örvænta í hvert sinn sem við vinnum leik. Þegar maður er með forystu eins og við höfum núna, er lokaspretturinn svo auðveldur. Það er ekki nokkur pressa á mér og á miðað við hvernig leikmenn mínir spiluðu einum leikmanni færri gegn West Ham - sé ég ekki að þeir séu neitt stressaðir," sagði Mourinho.