Arsenal líklegast

Umboðsmaður argentínska framherjans Javier Saviola hjá Barcelona segir að allt bendi til þess að hann gangi í raðir Arsenal í sumar. Saviola var í eldlínunni með argentínska landsliðinu á HM og var lykilmaður í liði Sevilla sem vann sigur í Evrópukeppni félagsliða í vor, en þar var hann sem lánsmaður.

"Saviola er heimsklassaleikmaður sem gæti spilað í hvaða deild sem er. Hann vill ólmur fá framtíð sína á hreint áður en hann fer í sumarfrí og eins og staðan er í dag þykir mér líklegast að hann gangi til liðs við Arsenal," sagði umboðsmaður hans.