Deilt um hugmyndir um gjaldskyldu

Steinunn Valdís Óskarsdóttir borgarstjóri segir hugmyndina um gjaldtöku hafa komið upp eins og svo margar aðrar. Hún segir þó fráleitt að túlka hana á þann veg að hana eigi að samþykkja innan skamms og hvað þá að hún hafi nú þegar verið samþykkt. Steinunn sagði fjölda annarra tillaga á borðum þeirra sem fari með samgöngumál borgarinnar, svo sem endurbætur á ferðum strætisvagna. Allar hugmyndir væru kannaðar á gagnrýnin hátt. Þær sem tengdust gjaldtöku við vinnustaði væru ekki ofar en margar tillögur um bættar samgöngur heldur aðeins til athugunar.