Breytir engu fyrir heimsmeistaramótið

John Terry, fyrirliði Chelsea, neitar því að brotthvarf Sven Goran Eriksson hafi slæm áhrif á enska landsliðið fyrir heimsmeistaramótið í Þýskalandi í sumar. Segir Terry að þetta hafi engin bein áhrif á leikmannahópinn. ,,Ef andstæðingar okkar halda að við verðum eitthvað órólegir vegan brotthvarfs Sven þá þurfa þeir að hugsa sig tvisar um. Við erum allir í þessu saman, bæði hópurinn og þjálfarinn og viljum allir vinna mótið þannig að mínu mati hefur ekkert breyst varðandi markmið okkar í sumar. Ekkert getur komið okkur úr jafnvægi lengur, ekki heldur þetta mál."