Tottenham lánar Ziegler til Wigan

Úrvalsdeildarlið Tottenham Hotspur hefur ákveðið að lána svissneska landsliðsmanninn Reto Ziegler til Wigan út leiktíðina, en hinn ungi leikmaður var fyrir skömmu kallaður til baka úr láni frá Hamburg í Þýskalandi. Talið var að hann færi beint inn í leikmannahóp Tottenham á ný eftir Þýskalandsförina, en hann hefur nú verið lánaður til nýliðanna.

Þetta kemur sér vel fyrir Wigan, því Ziegler er löglegur með liðinu í báðar bikarkeppnir þar eð hann hefur ekkert spilað á þeim vettvangi fyrir Tottenham í vetur. "Reto er hátt skrifaður hjá Tottenham og hann hefur feykna reynslu þrátt fyrir ungan aldur. Hann á eftir að styrkja hóp okkar mikið," sagði Paul Jewell, stjóri Wigan.