Komið upp um áform um að ræna syni Blairs

Bresk lögregla hefur komið upp um ráðabrugg manna um ræna Leo, yngsta syni Tonys Blairs, forsætisráðherra Bretlands. Frá þessu greinir götublaðið Sun.

Þar segir að öfgafullir félagar í samtökunum Fathers 4 Justice, sem berjast fyrir auknum réttindum feðra, hafi ætlað að ræna syninum í stuttan tíma til þess að sýna forsætisráðherranum fram á hvernig það væri að fá ekki að hitta börn sín. Félagar í samtökunum hafa áður komist í fréttirnar, meðal annars fyrir að klifra á Buckingham-höll í búningi Leðurblökumannsins og kasta dufti yfir Blair á breska þinginu.