Boða til opins fundar vegna stöðu leikskólamála

Bæjarfulltrúar Samfylkingarinnar í Kópavogi óskuðu eftir því að bæjarstjórnarflokkar í Kópavogi byðu foreldrum og starfsmönnum leikskóla til fundar þar sem farið yrði yfir stöðu leikskólamála. Forystumenn Framsóknarflokks og Sjálfstæðisflokks í Kópavogu lýstu því yfir í dag að ekki væri vilji hjá þeim til að taka þátt í slíkum fundi að sögn bæjarfulltrúa Samfylkingarinnar. Bæjarfulltrúar Samfylkingarinnar lýsa yfir vonbrigðum með þá afstöðu en hafa ákveðið að boða til opins fundar með foreldrum og starfsmönnum leikskóla í Kópavogi næstkomandi mánudag. Fundurinn verður haldinn klukkan 20:00 að Hamraborg 11, 3. hæð.