Real er betra nú en áður

Thomas Gravesen, leikmaður Real Madrid, líkar lífið mun betur á Bernabeu eftir að Wanderlei Luxemburgo hætti sem þjálfari liðsins og segir lið Arsenal ekki eiga von á góðu í viðureign liðanna í kvöld.

"Það er allt annað að spila undir stjórn Lopez Caro, því nú fá allir sitt tækifæri til að sanna sig í byrjunarliðinu og undirbúningurinn fyrir leiki er að verða miklu líkari því sem tíðkast á Englandi. Við gerum okkur fulla grein fyrir því að Arsenal er sterkt lið, en lið okkar hefur verið að þéttast að undanförnu og við höfum engar áhyggjur af leiknum," sagði Gravesen.