Misnotuð færi kostuðu okkur dýrt

Rafa Benitez var skiljanlega svekktur með að detta út úr meistaradeildinni í gær eftir að hans menn töpuðu 2-0 á heimavelli fyrir portúgalska liðinu Benfica. Leikmenn Liverpool fengu fjölda tækifæra til að skora í leiknum en inn vildi boltinn ekki og Evrópumeistararnir því úr leik.

"Við þurftum að fá mark snemma og byggja á því, fyrstu 20 mínúturnar voru lykillinn. Ég hafði fulla trú á að okkur tækist þetta, en svo urðu okkur á mistök og það kostaði okkur mark. Eftir það hefðum við þurft að skora strax eftir hlé og það tókst ekki. Við fórum illa með færin okkar og nú verðum við bara að einbeita okkur að keppnunum tveimur hérna heima," sagði Benitez.