Diaby fluttur á sjúkrahús

Svo gæti farið að Abou Diaby leikmaður Arsenal væri búinn að spila sinn síðasta leik fyrir félagið á þessari leiktíð eftir að hann meiddist illa í leiknum gegn Sunderland í dag. Diaby varð fyrir barðinu á fólskulegri tæklingu Dan Smith hjá Sunderland, sem hefði með öllu réttu átt að fá rauða spjaldið fyrir tilburði sína.

"Meiðsli hans líta út fyrir að vera mjög alvarleg og við vitum ekkert meira fyrr en hann fær úr því skorið á sjúkrahúsinu þegar búið verður að mynda hann," sagði Arsene Wenger, stjóri Arsenal. "Þetta var mjög gremjulegt og að mínu mati var leikmaðurinn alls ekki að reyna að ná til boltans," bætti hann við um brotið fólskulega.