Sport

Barátta Lundúnaliðanna heldur áfram

Arsenal er enn fjórum stigum á eftir grönnum sínum í Tottenham sem eru í fjórða sæti deildarinnar, en liðin eiga eftir að mætast á Highbury og ljóst að þar verður blóðug barátta um Meistaradeildarsætið
Arsenal er enn fjórum stigum á eftir grönnum sínum í Tottenham sem eru í fjórða sæti deildarinnar, en liðin eiga eftir að mætast á Highbury og ljóst að þar verður blóðug barátta um Meistaradeildarsætið NordicPhotos/GettyImages

Nú stefnir í æsilegan lokasprett milli erkifjendanna í norðurhluta Lundúna, Arsenal og Tottenham um sæti í Meistaradeildinni á næsta keppnistímabili. Bæði lið unnu leiki sína í dag og eiga eftir að mætast innbyrðis á lokasprettinum. Þá vann Portsmouth gríðarlega mikilvægan sigur í botnbaráttunni.

Arsenal lagði West Brom 3-1. Alexandr Hleb kom Arsenal yfir snemma leiks, en Nigel Quashie jafnaði leikinn á 72. mínútu og ekki laust við að farið hafi um stuðningsmenn Arsenal í kjölfarið. Robert Pires var þó ekki lengi að koma heimamönnum yfir á ný og Dennis Bergkamp innsiglaði sigurinn með glæsilegu marki í lokin.

Tottenham vann 1-0 útisigur á Everton þar sem Robbie Keane skoraði sigurmark gestanna úr vítaspyrnu í fyrri hálfleik. Tottenham fékk fjölda dauðafæra í leiknum sem það náði ekki að nýta, en náði að landa sigrinum þrátt fyrir mikla taugaveiklun á lokamínútunum.

Gary O´Neil skoraði sigurmark Portsmouth gegn Middlesbrough og landaði þar með gríðarlega mikilvægum stigum í botnbaráttunni.



Enski boltinn Erlendar Fótbolti Íþróttir

Mest lesið


Fleiri fréttir

Sjá meira


×

Mest lesið