Herflugvél með sautján manns um borð brotlenti

Flugvél með sautján manns um borð brotlenti nærri herflugvelli í Dover í Bandaríkjunum fyrr í dag. Ekki hefur enn verið staðfest hvort og þá hversu margir létu lífið.

Flugvélin brotnaði í þrennt en ekki er ljóst hvort vélin var í flugtaki eða lendingu. Vélin var flutningavél af gerðinni C-5 og er það stærsta vél hersins. Að sögn starfsmanns í almenningsöryggisdeild hersins voru einhverjir fluttir á slysadeild en læknar á spítala í nágrenni við slysstað sögðu að tíu manns hafi verið fluttir þangað með mis alvarlega áverka.