Brasilíumenn ósáttir við nýja HM boltann

Heimsmeistarar Brasilíu hafa átt erfitt með að venjast nýja HM boltanum sem notaður verður á HM í Þýskalandi og hafa látið óánægju sína í ljós við yfirmenn keppninnar.

Boltinn sem notaður verður er svokallaður „Teamgeist" bolti frá Adidas og segja menn þar á bæ að þessi bolti sé sá fullkomnasti til þessa. „Ég hef ekki enn náð að finna réttu leiðina til þess að hitta þennan bolta nákvæmlega, hann er alltof léttur og líkist helst plastbolta," sagði aukaspyrnusérfræðingurinn Roberto Carlos þar sem að hann var staddur við æfingar í Sviss. Roberto Carlos, Juninho og Ronaldinho hafa allir verið á aukaæfingum til þess að reyna að ná sem bestum spyrnum með boltann.

„Ég held að það mikilvægasta við þennan bolta sé að hitta markið, því að hann beygir svo mikið í loftinu að það verður erfitt fyrir markmenn að halda honum." sagði markvörðurinn Rogerio Ceni