Crouch byrjar inn á

Sven-Göran Eirksson, landsliðsþjálfari Englands segir að hann muni láta Peter Crouch byrja inná í fyrsta leik liðsins á HM sem verður gegn Paragvæ 10 júní n.k. Eriksson var ánægðir með frammistöðu leikmannsins sem gerði 3 mörk í 6-0 sigri á Jamaíka í gær.

„Peter Crouch átti frábæran leik. Hann gerði allt rétt og skoraði lagleg mörk. Ég held að ég láti hann byrja í fyrsta leiknum á HM, enda á hann það skilið. Það eina sem ég get sett út á hann er hvernig hann framkvæmdi vítið sem hann klúðraði. Þarna var tækifæri til að gera enn betur en honum tókst það ekki. Auðvita getur alltaf komið fyrir að maður misnoti víti en hefði hann tekið þetta alvarlega þá hefðu hann skorað. Ég vona að hann hugsi sig um ef hann tekur næsta víti," sagði Eriksson í viðtali við BBC.