Neville enn meiddur

Gary Neville er enn meiddur og verður því ekki í byrjunarliðinu gegn Svíum á morgun. Wayne Rooney og Owen Hargreaves koma inn í byrjunarliðið í fyrsta sinn á mótinu og verða þar í staðinn fyrir Peter Crouch og Steven Gerrard sem eru báðir einu gulu spjaldi frá því að fara í leikbann.

Rooney kom vel út úr seinni hálfleiknum á móti Trinidad og Tobacco eftir að hann kom inn á og verður því í framlínunni ásamt Michael Owen á móti Svíum í lokaleik B-riðils. Owen Hargreaves verður djúpur miðjumaður í stað Steven Gerrard sem að er með gult spjald á bakinu en það á líka við um Frank Lampard sem að heldur þó sæti sínu í liðinu. Jamie Carragher heldur áfram í stöðu hægri bakvarðar vegna meiðsla Neville en hann þótti standa sig ágætlega á móti Trinidad og Tobacco.