Vill engin börn

Tónlistarmaðurinn Robbie Williams segist ekki vilja eignast börn því hann myndi ekki þola það ef þau yrðu fyrir sársauka í lífi sínu.

Í viðtali við Big Issue-tímaritið sagði hann að sársaukinn sem börnin myndu þurfa að ganga í gegnum einhvern tímann á ævinni vegi of þungt á móti því jákvæða í lífinu. „Ég trúi því ekki að þú fullkomnir líf þitt með því að eignast börn,“ sagði Robbie. „Hver er tilgangurinn? Ég get ekki tryggt það að ég muni ekki eignast barn sem þjáist einhvern tímann á ævinni. Ég vil ekki sjá slíkt. Það er of mikið fyrir mig.“

Í viðtalinu gefur Robbie í skyn að hann ætli að taka sér gott frí á næstunni. „Það er ekkert land sem ég vil sigra, enginn leikvangur sem ég vil syngja á og það er engin bíómynd sem ég vil vera í.“