Mikill hryllingsmyndaaðdáandi

Eftirlætis kvikmynd?

Þær eru margar en í fyrsta sæti er örugglega Night of the Creeps. Þetta er svona b-hryllingsmynd sem kom og fór og fáir vissu af henni, en hún er bara svo fáránlega vel skrifuð. Hún blandar saman nokkrum vinsælum stílum frá þessum tíma, háskólamyndum, nördamyndum og auðvitað hryllingsmyndum

Eftirminnilegasta atriðið?

Það er til dæmis hægt að kvóta mikið í Night at the Creeps. Í einu atriðinu eru háskólastúlkurnar í systrafélaginu að bíða eftir strákunum sem eru að koma að sækja þær á lokaballið, nema hvað að þeir eru allir dánir og orðnir uppvakningar. Lögreglumaður kemur upp að stelpunum og segir þeim að hann hafi góðar fréttir og slæmar fréttir. Góðu fréttirnar séu þær að strákarnir séu komnir, en slæmu fréttirnar eru þær að þeir eru allir dánir og orðnir uppvakningar

Uppáhalds leikstjóri?

Guillermo del Toro sem leikstýrði meðal annars Hell Boy. Hann er mikill snillingur, algjör hrillingsmyndanörd eins og ég. Hann leggur ofboðlsega mikið í myndirnar sínar. Fred Dekker sem leikstýrði einmitt Night at the Creeps er líka í uppáhaldi.

Mesta hetja hvíta tjaldsins?

Bruce Campell úr Evil Dead myndunum er algjör spaði, hann er samt ekkert mjög góður leikari en mikill töffari.

Mesti skúrkurinn?

svarthöfði úr Star Wars.

Hvaða persóna fer mest í taugarnar á þér?

Ace Ventura var ótrúlega óþolandi maður. Jim Carrey hefur samt batnað mikið með árunum.

Ef þú fengir að velja kvikmynd til að leika í, leikstjóra og mótleikara, hvernig mynd yrði það?

Ég myndi vilja gera horror mynd og leikstjórinn yrði Guillermo del Toro. Svo myndi einhver flott gella leika á móti mér, eða nei Bruce Campell yrði mótleikarinn minn