Staðfestir "óformlegar viðræður"

Luiz Scolari hefur staðfest að hann hafi átt í viðræðum við enska knattspyrnusambandið í sambandi við stöðu landsliðsþjálfara Englands, en bendir á að þær hafi verið óformlegar og segir stöðu sína óbreytta hjá portúgalska landsliðinu - ekkert hafi enn verið ákveðið eða undirritað.

BBC telur sig hafa áreiðanlegar heimildir fyrir því að fundur Brian Barwick og Scolari í vikunni hafi gengið mjög vel og að stutt sé í land með að samningar náist um að Brasilíumaðurinn verði annar útlendingurinn í röð sem stýrir enska landsliðinu.