Tónlistin grætir hana

Athafnakonan Paris Hilton hefur aldrei verið þekkt fyrir annað en að vera rík og mikið partíljón en nú sýnir hún hæfileika sína í tónlistarbransanum. Plata hennar sem ber nafnið "Paris" kom út fyrir stuttu og segir Hilton í viðtali við blaðið "Blender" að hún sé stolt af frumraun sinni.

"Þegar ég hlusta á plötuna mína þá græt ég, lögin eru svo falleg," segir Paris en plata hennar hefur ekki fallið í kramið hjá tónlistargagnrýnendum.

Paris segir einnig í viðtalinu að hún sé misskilin sem persóna "Ég er virkilega almennileg og góð manneskja. Fólk dæmir mig bara svo mikið án þess að þekkja minn innri mann. Ég er ekki heimsk þótt ég sé ljóshærð."