Allt í lás

Forráðamenn Southampton hafa til þessa neitað öllum tilboðum Portsmouth um að fá knattspyrnustjórann Harry Redknapp til liðs við sig og nú gæti svo farið að allir stæðu uppi með báðar hendur tómar.

Redknapp á ekki afturkvæmt til Southampton, hvort sem hann þiggur stöðu knattspyrnustjóra hjá erkifjendunum eða ekki, en Milan Mandaric, stjórnarformaður Portsmouth er sagður vera orðinn vondaufur um að semja við Southampton, því félagið sækist eftir því að hann greiði upp samning Redknapp. Það vill Mandaric ekki fallast á og því er málið sannarlega komið í einn stóran hnút.