Fjórir féllu í sjálfsmorðsárás

Að minnsta kosti fjórir féllu og um tuttugu slösuðust þegar maður sprengdi sig í loft upp í borginni Bakuba í 65 kílómetra fjarlægð frá Bagdad, höfuðborg Íraks, í morgun. Engin samtök hafa lýst verknaðinum á hendur sér en talið er að menn Al-Qaida hafi verið að verki, nú sem svo oft áður. Þá féllu þrír bandarískir hermenn þegar vegsprengja sprakk í bænum Balad norðan við Bagdad í gærkvöld og annar nærri bænum Tíkrit. Framkvæmdastjóri Arababandalagsins hélt til Íraks í morgun til viðræðna við írakska ráðamenn. Bandalagið hefur í hyggju að standa fyrir ráðstefnu um þjóðarsátt milli þjóðarbrota í Írak.