Hætta samskiptum við Palestínumenn

Ísraelsstjórn hefur ákveðið að hætta öllum samskiptum tímabundið við heimastjórn Palestínumanna. En þrír Ísraelar féllu í árásum uppreisnarmanna á Vesturbakkanum um helgina. Til stóð að embættismenn á vegum Ísraelsmanna og Palestínumanna hittust á næstu dögum til að undirbúa fund Ariels Sharons, forsætisráðherra Ísraels og Mahmud Abbas, forseta heimastjórnar Palestínumanna. Átök brutust hins vegar út á Vesturbakkanum í gær þegar palestínskir vígamenn skutu þrjá Ísraela til bana og særðu fjórða á þétt setinni strætisvagnabiðstöð á Vesturbakkanum. Byssumennirnir hófu skothríð á fólkið úr bíl með fyrrgreindum afleiðingum en þetta eru blóðugustu árásir sem gerðar hafa verið á Vesturbakkanum frá því að Ísraelar fóru frá Gaza. Al Aqsa-herdeildirnar í Palestínu hafa lýst skotárásinni á stoppistöðinni á hendur sér en búist er við að ísraelsk stjórnvöld, sem fordæmt hafa árásirnar, svari fyrir af fullum krafti á næstu dögum.