Blómaborgin er alltaf í tísku 30. maí 2005 00:01 Íslendingum mun finnast San Francisco, nýjasti áfangastaður Icelandair, vera þægileg borg, að minnsta kosti á bandarískan mælikvarða. Í borginni sjálfri búa ekki nema um 750 þúsund manns og því virðist allt næstum vera í göngufæri. Þegar blaðamaður fór þangað fyrir fimmtán árum var gengið á milli hverfa eins og ekkert væri. Nú er mælt með sporvögnunum sem ganga upp og niður allar helstu hæðirnar. Það getur nefnilega reynt á lungu og kálfa að ætla sér að ganga um þessa hæðóttu borg. Hvort sem ferðast er með börn eða ekki er margt að sjá og gera í borginni og næsta nágrenni. Það sem þykir alveg ómissandi er skoðunarferð að Golden Gate-brúnni, einni frægustu brú í heimi, að rölta um Fisherman's Wharf, bryggjuhverfi San Francisco-búa, og gæða sér á nýveiddum krabba. Þar er einnig sædýrasafn sem gaman er að skoða. Frá nokkrum bryggjum eru reglulegar siglingar um flóann, og þaðan er einnig siglt út að hinu fræga eylandsfangelsi Alcatraz. Fyrir þá sem hafa áhuga á menningu og eru á ferðinni snemma árs er hægt að skella sér á sýningu hjá San Francisco-ballettinum, sem er undir stjórn Helga Tómassonar. Sýningar standa frá janúar til maíbyrjunar ár hvert. Söfn eru mörg í borginni, og hægt að byrja á flugvellinum þar sem ávallt er einhver myndlistarsýning í gangi. Þá er hægt að kíkja í San Francisco Museum of Modern Art eða vísindasafnið Exploratorium, þar sem fiktarar á öllum aldri ættu að finna eitthvað við sitt hæfi. Þó að hátt í fjórir áratugir séu liðnir frá hippasumrinu 1967 er ágætislíf í hippahverfinu Haight-Ashbury. Mælt er með að tekinn sé leigubíll þangað til að upplifa annars konar mannlíf en finnst við aðra helstu áfangastaði ferðamanna í borginni. Í verslunum í þessu hverfi má finna allt frá lífrænu fæði í villtustu hárkollur og dragfatnað í öllum stærðum. Efst á Haight-stræti má svo finna almenningsgarð þar sem börnin í hverfinu æfa fótbolta og heimilislausir koma saman til að hvíla sig, spjalla og spila músík. Flestir kjósa samt að versla við Union Square, þar sem helstu verslanirnar eru. Allir finna eitthvað við sitt hæfi einhvers staðar í borginni, ekki síst þegar sólin skín og stutt er í næstu ísbúð. Blaðamaður flaug til San Francisco á vegum Icelandair. Ferðalög Mest lesið Herra Hnetusmjör og Sara selja íbúðina Lífið Tískan á körfuboltaleiknum Tíska og hönnun Af vængjum fram: Eins og í bíómynd þegar þau byrjuðu loksins saman Lífið Nafn konunnar flúrað á það allra heilagasta Lífið Skrifuðu bók um Sólrúnu Öldu og brunann í Mávahlíð Lífið Bauð pabba að syngja með sér um íslensku sumargaslýsinguna Tónlist „BOY BYE“ við þá röngu en „BOY HÆ“ við þann rétta Tónlist Líf og fjör á Grímunni Menning Sjáðu svartþrestina yfirgefa hreiðrið Lífið „Svolítið eins og að standa nakinn inni í vita“ Menning Fleiri fréttir „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Íslendingum mun finnast San Francisco, nýjasti áfangastaður Icelandair, vera þægileg borg, að minnsta kosti á bandarískan mælikvarða. Í borginni sjálfri búa ekki nema um 750 þúsund manns og því virðist allt næstum vera í göngufæri. Þegar blaðamaður fór þangað fyrir fimmtán árum var gengið á milli hverfa eins og ekkert væri. Nú er mælt með sporvögnunum sem ganga upp og niður allar helstu hæðirnar. Það getur nefnilega reynt á lungu og kálfa að ætla sér að ganga um þessa hæðóttu borg. Hvort sem ferðast er með börn eða ekki er margt að sjá og gera í borginni og næsta nágrenni. Það sem þykir alveg ómissandi er skoðunarferð að Golden Gate-brúnni, einni frægustu brú í heimi, að rölta um Fisherman's Wharf, bryggjuhverfi San Francisco-búa, og gæða sér á nýveiddum krabba. Þar er einnig sædýrasafn sem gaman er að skoða. Frá nokkrum bryggjum eru reglulegar siglingar um flóann, og þaðan er einnig siglt út að hinu fræga eylandsfangelsi Alcatraz. Fyrir þá sem hafa áhuga á menningu og eru á ferðinni snemma árs er hægt að skella sér á sýningu hjá San Francisco-ballettinum, sem er undir stjórn Helga Tómassonar. Sýningar standa frá janúar til maíbyrjunar ár hvert. Söfn eru mörg í borginni, og hægt að byrja á flugvellinum þar sem ávallt er einhver myndlistarsýning í gangi. Þá er hægt að kíkja í San Francisco Museum of Modern Art eða vísindasafnið Exploratorium, þar sem fiktarar á öllum aldri ættu að finna eitthvað við sitt hæfi. Þó að hátt í fjórir áratugir séu liðnir frá hippasumrinu 1967 er ágætislíf í hippahverfinu Haight-Ashbury. Mælt er með að tekinn sé leigubíll þangað til að upplifa annars konar mannlíf en finnst við aðra helstu áfangastaði ferðamanna í borginni. Í verslunum í þessu hverfi má finna allt frá lífrænu fæði í villtustu hárkollur og dragfatnað í öllum stærðum. Efst á Haight-stræti má svo finna almenningsgarð þar sem börnin í hverfinu æfa fótbolta og heimilislausir koma saman til að hvíla sig, spjalla og spila músík. Flestir kjósa samt að versla við Union Square, þar sem helstu verslanirnar eru. Allir finna eitthvað við sitt hæfi einhvers staðar í borginni, ekki síst þegar sólin skín og stutt er í næstu ísbúð. Blaðamaður flaug til San Francisco á vegum Icelandair.
Ferðalög Mest lesið Herra Hnetusmjör og Sara selja íbúðina Lífið Tískan á körfuboltaleiknum Tíska og hönnun Af vængjum fram: Eins og í bíómynd þegar þau byrjuðu loksins saman Lífið Nafn konunnar flúrað á það allra heilagasta Lífið Skrifuðu bók um Sólrúnu Öldu og brunann í Mávahlíð Lífið Bauð pabba að syngja með sér um íslensku sumargaslýsinguna Tónlist „BOY BYE“ við þá röngu en „BOY HÆ“ við þann rétta Tónlist Líf og fjör á Grímunni Menning Sjáðu svartþrestina yfirgefa hreiðrið Lífið „Svolítið eins og að standa nakinn inni í vita“ Menning Fleiri fréttir „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira