Á gömlum bens yfir Alpana 19. maí 2005 00:01 "Skemmtilegustu ferðasögurnar mínar eru frá því 1994 þegar ég og félagar mínir í hljómsveitinni Stingandi strá fórum í tónleikaferð um Evrópu," segir Hrólfur Sæmundsson, söngvari og óperustjóri. "Við vorum í fjóra mánuði, fórum út með nánast enga peninga og lifðum á spilamennsku. Við byrjuðum í Danmörku, Svíþjóð og Noregi og vorum svo heillengi í Frakklandi, þar af mánuð í Marseille þar sem við slógum í gegn, okkur til mikillar furðu. Tveimur dögum eftir síðustu tónleikana þar áttum við að spila í Berlín, 1.800 kílómetra í burtu. Við vorum á gömlum Benstrukk sem komst ekki hraðar en áttatíu kílómetra á klukkustund og keyrðum á honum yfir Alpana.. Á þýsku hraðbrautinni vorum við stoppaðir af löggunni vegna þess að Bensinn var á ólöglegum númerum og kyrrsettir í sætu sveitaþorpi sem hét Butchbach og kúrði í dal undir hraðbrautinni. Þetta þýddi að við vorum búnir að missa af tónleikunum í Berlín en fórum þangað samt," segir Hrólfur og heldur áfram: "Við komum klukkan þrjú um nótt, í þoku og rigningu, og leist illa á blikuna enda kominn nóvember. Við ákváðum að yfirgefa þennan ljóta stað eins fljótt og við gætum daginn eftir. Þá fengum við hins vegar að vita að tónleikarnir væru á dagskrá eftir allt saman og komumst að því að þessi gráa og guggna borg var skemmtilegri en okkur óraði fyrir. Við áttum flug heim frá Danmörku og lögðum ekki af stað þangað fyrr en á síðustu stundu því það var svo gaman í Berlín. Við fundum flugvöllinn á korti og þeystum í áttina þangað, sáum flugturn og flugvélar og töldum okkur örugga. Eftir því sem við nálguðumst fór nú allt að minnka og þegar við komum sáum við að þetta var módelflugvöllur, vélarnar pínulitlar og flugturninn tæpir tveir metrar. Þetta minnti á atriði úr kvikmyndinni Spinal Tap. Sem betur fer fundum við svo hinn flugvöllinn og náðum vélinni heim." Hrólfur er nú virðulegur Sumaróperustjóri og innan skamms hefjast æfingar á Galdraskyttunni eftir Weber, sem sýnd verður í Þjóðleikhúsinu í samvinnu við Sinfóníuhljómsveit unga fólksins. "Ég verð samt alltaf rokkari. Og hver veit nema Stingandi strá leggi land undir fót í sumar..." Ferðalög Mest lesið Ofboðslega stolt af dóttur sinni Lífið „Ef við erum lausnamiðuð þá sköpum við tækifærin“ Lífið Klæddu sig upp sem frambjóðendur Lífið Bannaði Snorra að kjósa Arnar Þór Lífið Dóttir Jolie og Pitt vill ekki heita Pitt lengur Lífið „Býr ekki lítil kerling innra með okkur öllum?“ Lífið Myndaveisla: Rosaleg stemming í kosningavökunum Lífið „Svo góð tilfinning að endurheimta sjálfa sig“ Tónlist Davíð Helgason og Isabella eignuðust dreng Lífið Tvöföld veisla hjá Gnarr feðgum Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
"Skemmtilegustu ferðasögurnar mínar eru frá því 1994 þegar ég og félagar mínir í hljómsveitinni Stingandi strá fórum í tónleikaferð um Evrópu," segir Hrólfur Sæmundsson, söngvari og óperustjóri. "Við vorum í fjóra mánuði, fórum út með nánast enga peninga og lifðum á spilamennsku. Við byrjuðum í Danmörku, Svíþjóð og Noregi og vorum svo heillengi í Frakklandi, þar af mánuð í Marseille þar sem við slógum í gegn, okkur til mikillar furðu. Tveimur dögum eftir síðustu tónleikana þar áttum við að spila í Berlín, 1.800 kílómetra í burtu. Við vorum á gömlum Benstrukk sem komst ekki hraðar en áttatíu kílómetra á klukkustund og keyrðum á honum yfir Alpana.. Á þýsku hraðbrautinni vorum við stoppaðir af löggunni vegna þess að Bensinn var á ólöglegum númerum og kyrrsettir í sætu sveitaþorpi sem hét Butchbach og kúrði í dal undir hraðbrautinni. Þetta þýddi að við vorum búnir að missa af tónleikunum í Berlín en fórum þangað samt," segir Hrólfur og heldur áfram: "Við komum klukkan þrjú um nótt, í þoku og rigningu, og leist illa á blikuna enda kominn nóvember. Við ákváðum að yfirgefa þennan ljóta stað eins fljótt og við gætum daginn eftir. Þá fengum við hins vegar að vita að tónleikarnir væru á dagskrá eftir allt saman og komumst að því að þessi gráa og guggna borg var skemmtilegri en okkur óraði fyrir. Við áttum flug heim frá Danmörku og lögðum ekki af stað þangað fyrr en á síðustu stundu því það var svo gaman í Berlín. Við fundum flugvöllinn á korti og þeystum í áttina þangað, sáum flugturn og flugvélar og töldum okkur örugga. Eftir því sem við nálguðumst fór nú allt að minnka og þegar við komum sáum við að þetta var módelflugvöllur, vélarnar pínulitlar og flugturninn tæpir tveir metrar. Þetta minnti á atriði úr kvikmyndinni Spinal Tap. Sem betur fer fundum við svo hinn flugvöllinn og náðum vélinni heim." Hrólfur er nú virðulegur Sumaróperustjóri og innan skamms hefjast æfingar á Galdraskyttunni eftir Weber, sem sýnd verður í Þjóðleikhúsinu í samvinnu við Sinfóníuhljómsveit unga fólksins. "Ég verð samt alltaf rokkari. Og hver veit nema Stingandi strá leggi land undir fót í sumar..."
Ferðalög Mest lesið Ofboðslega stolt af dóttur sinni Lífið „Ef við erum lausnamiðuð þá sköpum við tækifærin“ Lífið Klæddu sig upp sem frambjóðendur Lífið Bannaði Snorra að kjósa Arnar Þór Lífið Dóttir Jolie og Pitt vill ekki heita Pitt lengur Lífið „Býr ekki lítil kerling innra með okkur öllum?“ Lífið Myndaveisla: Rosaleg stemming í kosningavökunum Lífið „Svo góð tilfinning að endurheimta sjálfa sig“ Tónlist Davíð Helgason og Isabella eignuðust dreng Lífið Tvöföld veisla hjá Gnarr feðgum Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira