Átta slys á vélsleðum í vetur

Einn hefur látist og að minnsta kosti sjö hafa slasast í vélsleðaslysum síðan 20. desember síðast liðinn að sögn Kjartans Benediktssonar sem starfar í Slysavarnasviði Landsbjargar. Sá yngsti sem slasaðist er sjö ára gamall en hann sat framan á sleða og klemmdist milli ökumanns og sleða við árekstur. Einnig hefur Landsbjörg heimildir um slys þar sem tólf ára gamall piltur var einn á sleða og slasaðist á fæti þegar hann keyrði í runna. Slysavarnarfélag Landsbjargar og Rannsóknarnefnd umferðarslysa eru nú í samvinnu við Landsamband íslenskra vélsleðamanna að vinna að skýrslu um vélsleðaslys og tíðni þeirra. Það sem gerir þeim útektina erfiða að sögn Kjartans er að enginn flokkur er til í kerfinu yfir vélsleðaslys. Þar af leiðandi liggja ekki fyrir tölur um vélsleðaslys hvorki hjá lögreglu né hjá heilbrigðisstofnunum. Vonast hann til að skýrslan verði til að bæta úr þessu.