Hargreaves vill fara til Spurs

Enski landsliðsmaðurinn Owen Hargreaves hjá Bayern Munchen hefur lýst yfir áhuga sínum að ganga til liðs við lið Tottenhan Hotspurs í ensku Úrvalsdeildinni í knattspyrnu. Hargreaves, sem er fæddur í Kanada, en hefur enskt ríkisfang, hefur verið á mála hjá Bayern í nokkur ár en vill nú snúa aftur til Englands til að eiga betri möguleika á að festa sig í sessi í enska landsliðinu.  "Tottenham gerði mér tilboð í vetur, sem ég afþakkaði, en Frank Arnesen sagði mér að vera áfram í sambandi við sig og nú langar mig að fara til Englands að spila og ég tel að það yrði frábært að fá að leika með liði Tottenham", sagði Hargreaves.