Sex látnir eftir yfirreið Wilmu

Að minnsta kosti sex manns létust þegar fellibylurinn Wilma fór yfir Flórída í gær. Wilma er nú farin aftur út á haf en enginn fellibylur hefur valdið jafn miklu eignatjóni á Fort Lauderdale svæðinu í meira en fimmtíu ár.

Tryggingafélög telja að fjárhagslegt tjón vegna Wilmu nemi allt að fimm hundruð milljörðum dollara. Stór hluti ferðamannastaðarins Key West er á kafi í vatni og sex milljónir manna eru enn án rafmagns um allt Flórída-fylki. Yfirvöld á Flórída telja þó mildi að ekki hafi orðið meira manntjón þar sem tugþúsundir manna hunsuðu viðvaranir yfirvalda um að yfirgefa heimili sín.