Berrössuð á diskói í Lundúnum

Hundruð breskra skemmtanafíkla streyma hverja helgi á næturklúbb í Lundúnum. Ástæðan er ekki endilega sú að klúbburinn er sá flottasti í borginni, heldur að hann er sá eini þar sem allir skemmta sér berrassaðir. Í klúbbnum í South Centra í Kennington Lane mega næturhrafnar ekki skemmta sér klæddir neinu nema skóm. Dyraverðir standa í gættinni og gæta þess að ósæmilega klætt fólk komi ekki inn fyrir, aðeins strípalingar. Skipuleggjendurnir segja frelsi nektarinnar yndislegt. Þegar fólk sé klætt sé það allt of meðvitað en slaki á þegar allir séu eins, það er að segja berir. Sumum líki tilfinningin, aðrir njóti útsýnisins og enn aðrir fái mest út úr því að láta horfa á sig. Hafi einhver af því áhyggjur af því að hitastigið valdi einhvers konar minnkun neðan beltis segja skipuleggjendurnir að þess sé vel gætt að húsið sé kynt.