Leikarnir langt fram úr áætlun
Kostnaður Grikkja vegna ólympíuleikanna í sumar var helmingi meiri en áætlanir sögðu til um. Aðeins ári fyrir leikana hljóðaði kostnaðaráætlun upp á tæpa fimm milljarða evra, eða nærri fjögurhundruð og fjörutíu milljarða króna. Nú, þegar uppgjör liggur fyrir, er ljóst að leikarnir kostuðu Grikki um níu milljarða evra, um sjöhundruð og níutíu milljarða króna. Stærstur hluti þessa kostnaðar fellur gríska ríkinu í skaut. Ólympíuleikarnir í ár eru því samkvæmt þessu margfalt dýrari en leikarnir í Sydney fjórum árum áður, en kostnaður vegna þeirra nam um hundrað og áttatíu milljörðum króna.
