Dan Rather hættir

Dan Rather, einhver þekktasti sjónvarpsfréttamaður Bandaríkjanna og aðalfréttaþulur CBS-sjónvarpsstöðvarinnar, mun láta af þeim starfa 9. mars næstkomandi, tuttugu og fjórum árum eftir að hann tók við starfanum af Walter Cronkite. Frá þessu var greint í gær. Rather, sem er 73 ára gamall, segist hafa rætt þetta við yfirmenn sína í sumar og ákveðið að bíða fram yfir kosningar. Hann heldur þó áfram í fréttaþættinum 60 mínútur. Rather fékk í sumar bágt fyrir frétt um að Bush forseti hefði komið sér undan herþjónustu en fréttin reyndist byggð á vafasömum heimildum. Repúblíkanar kröfðust þá afsagnar Rathers og sökuðu hann um vinstrislagsíðu. Rather segir ákvörðun sína um að hætta ekki hafa neitt með það mál að gera.