Vilja ekki aðra ólympíuleika

Norsk stjórnvöld neituðu í gær að styðja umsókn borgaryfirvalda í Tromsö um að fá að halda ólympíuleikana í vetraríþróttum árið 2014. Ráðherrar sögðu of dýrt að halda ólympíuleikana og að of stutt væri frá því að vetrarólympíuleikarnir voru haldnir í Lillehammer 1994 til að verjandi væri að ráðast í slíkt stórvirki. Skipuleggjendur í Tromsö ætla samt að halda áfram að undirbúa umsókn um að halda ólympíuleikana 2014 í trausti þess að ný stjórn komist til valda á næsta ári sem taki betur í hugmyndina um að halda vetrarólympíuleika aftur í Noregi.