Innlent

Framsókn sökuð um sinnaskipti

Elsa B. Friðfinnsdóttir, Framsóknarflokki segir að svo virðist sem flokkurinn hafi breytt um stefnu og opni á skólagjöld í framhaldsnámi. Vitnar hún til orða Dagnýjar Jónsdóttur, þingkonu flokksins í Fréttablaðinu í gær. Þar sagði Dagný: "Framsóknarflokkurinn...hafnar skólagjöldum í grunnnámi í ríkissreknum háskólum." Elsa segir að þetta sé nánast orðrétt tillaga hennar sjálfrar frá flokksþingi Framsóknarflokksins í byrjun þessa árs. Þá hafi Dagný hins vegar lagt fram frávísunartillögu. Dagný Jónsdóttir segir hins vegar stefnu flokksins óbreytta hún hafi aðeins notað orðið grunnnám því tilefni viðtals Fréttablaðsins hefði verið sameining Tækniskólans og Háskólans í Reykjavík. Elsa B. Friðfinnsdóttir, segir að fundarstjóri landsfundar hefði látið afgreiða frávísunartillögu Dagnýjar sem dagskrártillögu og þar með ekki leyft neinar umræður. "Þetta var mjög brútalt og því er flokkurinn enn bundnari en ella af óbreyttri stefnu."
Framsóknarflokkurinn Fréttir Innlent Stj.mál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið