Vökufólk afgreiði ekki Sólbak

Stjórn Verkalýðsfélagsins Vöku beinir þeim tilmælum til félagsmanna sinna að afgreiða ekki Sólbak EA-7 komi skipið til hafnar á Siglufirði. Stjórnin lýsir yfir fullum stuðningi við aðgerðir Sjómannasambands Íslands vegna "svokallaðra ráðningarsamninga Útgeðarfélagsins Sólbaks ehf. við sjómenn á Sólbak EA-7. Stjórn Vöku harmar að útgerðin skuli geta fengið lögreglu í lið með sér í þessum aðgerðum og skuli geta fengið sett lögbann á hugsanlegar aðgerðir," segir í yfirlýsingu verkalýðsfélagsins.