Halle Berry óð í hjálpartæki

Ofurbomban Halle Berry hefur játað að gera sér reglulega ferð í betri kynlífsverslanir Hollywood. Þar nýtur hún þess að kaupa sér tæki og tól til syndsamlegra athæfa síðan hjónaband hennar fór út um þúfur. Berry hvetur jafnframt aðrar einhleypar konur að gera slíkt hið sama og ganga á vald lostans og losa um alla þá kvenlegu erótík sem í þeim býr. Berry játar það með stæl að fitla við sjálfa sig og hefur gert það síðan fyrrverandi eiginmaður hennar, Eric Benet, hélt fram hjá henni. Berry segir enn fremur að konur geti ekki gleymt kynferði sínu. Hún mælir með því að konur uppgötvi og njóti líkama síns með því að fara reglulega í ræktina og kynlífsverslanir.