Mannakorn komin aftur á kreik

Meira en áratugur er liðinn frá því að plata með nýju efni kom frá hljómsveitinni Mannakorn. Um næstu helgi verðu þó bætt úr því þegar út kemur geisladiskurinn Betra en best.Í tilefni af því ætlar sveitin að halda í víking og spila á tónleikum og dansiböllum viðsvegar um landið í sumar. Fyrsti dansleikurinn verður í Klúbbnum við Gullinbrú í kvöld. Kjarnann í Mannakornum mynda sem fyrr þeir Magnús Eiríksson og Pálmi Gunnarsson. Pálmi syngur og spilar á bassa, en Magnús syngur og spilar á gítar. Lög og textar eru sem fyrr eftir Magnús.Þeim félögum til fulltingis eru síðan þeir Þórir Úlfarsson á píanó og hljómborð, Sigfús Óttarsson á trommur og áslátt og Ellen Kristjánsdóttir sem syngur eitt lag.