Ungir kjósa Kerry

Búist er við mun meiri þátttöku ungs fólks en áður í forsetakosningunum vestanhafs á morgun. Bandarískur sérfræðingur í kosningahegðun segir unga kjósendur líklegri til þess að kjósa Kerry en Bush. Xandra Kayden er stödd á Íslandi á vegum bandaríska sendiráðsins en hún var sérstaklega fengin til landsins til þess að útskýra bandarísku forsetakosningar. Hún starfar meðal annars í háskólanum í Los Angeles, auk þess sem hún er fulltrúi í Landssamtökunum „League of Women Votes“ sem hefur það að meginmarkmiði að upplýsa og fá ungt fólk til þess að kjósa. Kayden segir að gríðarleg vinna hafi farið í að virkja þann hóp fyrir forsetakosningarnar sem nú fara fram. Margir skemmtikraftar hafi farið um og reynt að fá fólk til að skrá sig og því sé búist við mun meiri þátttöku ungs fólks en áður. Hún segir að þangað til nýlega hafi fátt bent til þess að ungt fólk kysi öðruvísi en þeir eldri, nema í málefnum samkynhneigðra, en nú virðist unga fólkið hallast mun meira að Kerry