Lífið

Fór beint á toppinn

Shutter Island, nýjasta kvikmynd Martins Scorsese, fór beint á toppinn yfir aðsóknarmestu myndirnar vestanhafs um síðustu helgi. Myndin náði inn fjörutíu milljónum dollara, eða um fimm milljörðum króna, sem er betri árangur en búist var við. Þetta er jafnframt besta byrjun nokkurrar myndar Scorsesew, sem á að baki hinar vinsælu Taxi Driver, Raging Bull og The Departed. Leonardo DiCaprio leikur í Shutter Island lögreglumann sem rannsakar mannshvarf á sjúkrahúsi fyrir geðsjúka glæpamenn.

Lífið

Cowell aldrei hamingjusamari

Móðir tónlistarmógúlsins Simons Cowell segir að hann hafi aldrei verið eins hamingjusamur og nú, eftir að hann byrjaði á föstu með Mezhgan Hussainy. Julie Cowell segir að hamingjan hreinlega geisli af syni sínum.

Lífið

Í kókosbolluverksmiðju

„Það var kalt og samloka á hótelinu kostaði 2.600 krónur. Mér fannst það mikið sjokk,“ segir Sindri Már Sigfússon í hljómsveitinni Seabear.

Lífið

SkyReports sigurvegari

Rokksveitin SkyReports sigraði á tónlistarhátíðinni Rokkstokk 2010 sem haldin var í Frumleikhúsinu í Reykjanesbæ um síðustu helgi. Keanu lenti í öðru sæti og Reason to Believe var valin besta hljómsveitin af áhorfendum.

Lífið

The Hurt Locker sigursæl

Kvikmyndin The Hurt Locker kom, sá og sigraði á bresku Bafta-verðlaunahátíðinni sem var haldin í London um helgina. Myndin hlaut sex verðlaun og skaut í leiðinni stórvirkinu Avatar ref fyrir rass.

Lífið

Kominn með nýja

Gítarleikarinn Ronnie Wood úr The Rolling Stones er kominn með nýja kærustu upp á arminn. Sú heitir Ana Araujo og er brasilísk fegurðardís sem stundar nám í arkitektúr. Ronnie fór með dömuna í fjögurra tíma verslunarleiðangur um helgina og segja breskir fjölmiðlar að þau hafi geislað af hamingju.

Lífið

Déjà Vu frumsýnt á fimmtudag

Í ár hefur Leikfélagið Verðandi ákveðið að setja á laggirnar frumsamið leikrit Bjarna Snæbjörnssonar en hann er jafnframt leikstjóri sýningarinnar. Þegar haft var samband við Bjarna sagði hann að leiksýningin í ár væri stórkostlegt sjónarspil sem enginn ætti að láta framhjá sér fara.

Lífið

Er mín fótósjoppuð til fjandans? - mynd

„Neee engin lýtaaðgerð nema á la Haffi haff og Garðar einkaþjálfari," svarar Tobba Marinósdóttir sjónvarpsstjarna. Segðu nú satt Tobba. Ertu fótósjoppuð til fjandans á forsíðu Vikunnar? „Nei. Ég er búin að æfa stíft síðan í janúar byrjun. Haffi festi hárið á mér upp að aftan þannig að það virkaði eins og það væri styttra en það er og svo er þetta bara gott meik up. Annars hef ég ekki farið í neina lýtaaðgerð. Hef alltaf verið með stórar varir eins og mamma og systir mín," svarar Tobba einlæg. „Ég bað Kalla ljósmyndara um að fótósjoppa ekki myndirnar mikið sérstaklega ekki þessar inn í blaðinu þar sem ég er á nærfötunum því ég vil vera með minn rass og læri. Fátt meira sexí er kurví konur að mínu mati. Ekkert sexí við að vera vaxin eins og 12 ára strákur," segir hún. „Annars lít ég bara svona út og fólki er velkomið að kíkja niður á Séð og Heyrt og sjá kellinguna læf," segir hún hlæjandi.-elly@365.is

Lífið

Ásdís Rán: Hvað er að þessum Tiger druslum?

„hvað er að þessum Tiger druslum!! krefast afsökunar afsökunarbeiðni? kommon, vitandi að þær eru að tæla og halda fram hjá giftum manni sem á börn. Þetta er þeim sjálfum að kenna - ég tel þær ekki hafa rétt á neinu og þær ættu að hringja í konuna hans og biðja hana frekar afsökunnar! urrr...." skrifar Ásdís Rán Gunnarsdóttir fyrirsæta orðrétt á Facebook síðuna sína í dag. Ásdís veit hvað um ræðir því hún hefur fengið að finna fyrir Gróu á Leiti eins og hún sagði í Fréttablaðinu 13. febrúar síðastliðinn: „Þeir eru alltaf að búa til einhverjar sögur um mig vegna þess að ég er vinsæl hérna. Þeir spyrja mig ekki einu sinni."

Lífið

Er allt gert fyrir frægðina? - myndir/myndbönd

Rúmlega 700 manns mættu í síðustu viku í prufur á veitingahúsið Austur þar sem leitað var eftir fólki í hlutverk fyrir iTwist KFC auglýsingu. Valnefndina skipuðu Haffi Haff, Stella Rósenkrans og Rut Helgadóttir. Meðfylgjandi má sjá myndir af umsækjendum og á meðfylgjandi linkum sýna þeir listir sínar í von um frægð og frama. Sjá hér, hér, hér, hér og hér.

Lífið

Plötuð í Kolaportið í dúndur formi

„Þessi Kolaportsferð mín sem rataði á baksíðu Fréttablaðsins? Mér fannst það frekar fyndið," svarar Ágústa Johnson Ágústa Johnson framkvæmdastjóri Hreyfingar spurð hvað hún var að vesenast í Kolaportinu um helgina. „Hún Anna Ýr dóttir mín plataði mig fyrir nokkru til að leigja með sér bás í Kolaportinu og selja með sér lítið notuð föt. Til dæmis þessi dæmigerðu innkaupamistök, föt sem maður keypti og fílaði síðan ekki þegar heim var komið," útskýrir hún.

Lífið

Klædd í latex með svipu á djamminu - myndir

Meðfylgjandi myndir tók Sveinbi ljósmyndari á Hressó, Hverfisbarnum, Apótekinu og Jacobsen aðfaranótt sunnudags. Eins og sjá má leiddist unga fólkinu ekki. Þá voru margir klæddir í grímubúninga. Superman.is

Lífið

Fíla bara sætar stelpur Diktu? - myndir

Á laugardaginn héldu Bacardi Razz og útvarpsstöðin X-ið tónleika með hljómsveitunum Diktu, Ourlives og Cliff claven á skemmtistaðnum Nasa. Eins og myndirnar, sem Thorgeir.com tók, sýna voru áberandi margar sætar stelpur á tónleikunum. Burtséð frá því var uppselt í forsölu á tónleikana.

Lífið

Í fótspor Friðriks Þórs

Eysteinn Guðni Guðnason frumsýnir heimildarmynd sína, Hringurinn II, 2. mars, nákvæmlega 25 árum eftir að Friðrik Þór Friðriksson frumsýndi mynd sína Hringurinn. Sú mynd var tekin upp í bíl sem ók hringinn í kringum landið án þess að leikarar kæmu við sögu og gerði Eysteinn slíkt hið sama síðasta haust.

Lífið

Una hannar eigin fatalínu

Fatahönnuðurinn Una Hlín Kristjánsdóttir hefur hannað sína fyrstu fatalínu undir heitinu Royal Extreme. Hún segir að fólk verði að láta drauma sína rætast þrátt fyrir kreppu og peningaleysi.

Lífið

Þulurnar kveðja í apríllok

Hinn 1. maí næstkomandi lýkur merkilegum kafla í sögu Ríkissjónvarpsins en þá verður í fyrsta skipti útsending án sjónvarpsþulna. Frá því að sjónvarpið sendi fyrst út, hinn 30. september 1966, hafa sjónvarpsþulur verið órjúfanlegur þáttur dagskrárinnar en nú tekur við tölvumynd sem sýnir áhorfendum hvað sé næst á dagskrá.

Lífið

Páskaopnun Hofsós-sundlaugar

„Við sjáum fram á að hún gæti verið komin í gagnið um páskana,“ segir Sveinbjörn Sigurðsson, framkvæmdastjóri verktakafyrirtækisins Sveinbjörn Sigurðsson. Starfsmenn fyrirtækisins hafa séð um að reisa sundlaugina á Hofsósi sem athafnakonurnar Steinunn Jónsdóttir og Lilja Pálmadóttir gáfu íbúum bæjarins fyrir tæpum þremur árum.

Lífið

Óttast að hlutirnir hafi verið sendir úr landi

„Maður verður bara að halda áfram. Við héldum góð jól en maður verður stundum sorgmæddur þegar maður hugsar út í myndirnar af börnunum, það er söknuður af þeim,“ segir Arnar Gauti Sverrisson, fyrrum sjónvarpsmaður og framkvæmdastjóri. Hann hefur hvorki séð tangur né tetur af þeim munum sem stolið var af heimili hans í Melahvarfi 14. desember á síðasta ári. Arnar var ekki tryggður og fékk því tjónið ekki bætt en innbrotið átti sér stað um hábjartan dag.

Lífið

Opið hús hjá Siggu Kling - myndband

Sigríður Klingenberg opnar heimilið sitt í dag, sunnudag, fyrir gestum og gangandi því hún ætlar að selja fötin sín, dótið sitt og meira til. „Föt, skartgripi, hatta, antíkmuni, indverska stóra hluti og allt mögulegt," svarar Sigríður aðspurð hvað verður til sölu. „Þetta er allsherjar hreinsun og það verður fjör. Haffi haff kemur með búningana sína sem hann ætlar að selja og ýmislegt töff stöff." „Til þess að fá nýja orku inn þarf að hreyfa við orkunni og í dag ætla ég að selja íslenska merkjavöru fyrir lítið. Föt eftir Birnu, Birtu, Maríu Lovísu og KVK." „Svo kemur Halla Himintungl, sem er ein magnaðasta spákona Íslands í dag. Halla er í stjörnuspeki og hefur unnið fyrir stjörnuspekiskólann. Hún gerir gyðjugaldra og töfra. Þannig að við verðum tvær spákonur á svæðinu." „Þetta er svo spennandi að geta farið inn í hús hjá kellu eins og mér og gramsað í dótinu og fengið súpu og svona." „Þetta er heimasala inni hjá mér. Ég ætla að hafa ástarsúpu af því að það er konudagurinn og við ætlum að hafa gaman." Eru eingöngu konur velkomnar? „Nei það eru allir velkomnir. Það er gott fyrir karlana að fara í óvissuferð með konurnar sínar og koma við hjá mér svo er aldrei að vita nema Klingenberg líti í lófa." „Það eru meira að segja konur frá Selfossi búnar að leigja sér herbergi í Reykjavík til að vera fyrstar því þær eru búnar að sjá dótið mitt sem ég er búin að sanka að mér um allan heim." Hvar býrðu? „Skólatúni 2 á Álftanesi. Það er stór kross á hurðinni. Svo er um að gera að hringja bara í 118 því þeir vísa alltaf veginn." -elly@365.is

Lífið

Fjölmennt á forvarnarfræðslu í FB

Nemendur Fjölbrautaskólans í Breiðholti fjölmenntu á forvarnarfyrirlestur sem haldinn var í skólanum í gærdag. Fræðslan sem um ræðir ,,Hættu áður en þú byrjar” er í umsjá Magnúsar Stefánssonar hjá Samhjálp og voru nemendur mjög áhugasamir.

Lífið

Hvað í ósköpunum var í gangi á djamminu? - myndir

Á meðfylgjandi myndum sem Sveinbi ljósmyndari tók í gærkvöldi, má sjá Íslendinga flippa út á skemmtistaðnum Glóðin í Keflavík, Hverfisbarnum, Hressó og Jacobsen. Unga fólkið veifaði kreditkortum og peningaseðlum á milli þess sem það girti niður um sig. Superman.is

Lífið

Veistu við öfundum þig allar - myndir

„Mig kitlar alltaf smá í magann fyrir þessum degi," svarar Ingibjörg Þorvaldsdóttir athafnakona. „Ég veit að hann hugsar vel um mig og mig grunar að á konudaginn eldi hann æðislegan brunch með öllu tilheyrandi og þá eru alltaf fersk blóm til mín á borðinu með fallegu korti þar sem hann lýsir hvað honum þyki vænt um mig," „Í minningunni hafa allir mínir konudagar síðan við kynntumst verið á þessa leið," segir hún og bætir við: „Og ég óska mér að þessi verði með svipuðu sniði." „Munurinn núna er að hann er kominn með tvo litla aðstoðarkokka tveggja og þriggja ára sem eru búnir að eignast sínar eigin svuntur og hafa ótrúlegan áhuga á að aðstoða pabba sinn í eldhúsinu," segir Ingibjörg.-elly@365.is

Lífið

Friðrik Dór til Senu

„Ég er bara ánægður með þetta. Það er gott að vera kominn með þessi mál á hreint," segir Hafnfirðingurinn Friðrik Dór Jónsson sem hefur skrifað undir útgáfusamning við Senu. „Núna getur maður farið að einbeita sér að því að búa til góða tónlist."

Lífið

Kominn í hóp með Kobe Bryant og Jack Bauer

Myndir af hasardúkkum McFarlane-fyrirtækisins úr kvikmyndinni Prince of Persia: Sand of Time eru komnar á Netið. Og þar á íslenski leikarinn Gísli Örn Garðarsson sína eigin dúkku en eins og Fréttablaðið hefur greint frá leikur Gísli skúrkinn The Vizier á móti stórleikaranum Jake Gyllenhaal og Bond-píunni Gemmu Arteton auk Bens Kingsley og Alfreds Molina. Gísli hafði sjálfur ekki séð dúkkurnar þegar Fréttablaðið hafði uppi á honum.

Lífið

Sýnd 390 milljónum manna

Heimildarmyndin Living on the Edge hefur verið seld til sjónvarpsstöðvarinnar National Geographic. Um 390 milljónir manna horfa á hana á degi hverjum. „Maður kemst ekkert lengra með heimildarmynd en að selja hana þessum mönnum," segir leikstjórinn Jóhann Sigfússon.

Lífið

Mest lesið