Lífið

Dýrkar Star Wars-myndirnar

Leikarinn Dominic Monaghan, sem lék meðal annars í Lord of The Rings og í sjónvarpsþættinum Lost, skartar nú stærðarinnar húðflúri á vinstri hendi. Húðflúrið er setning úr kvikmyndinni Star Wars og segir á ensku Luminous Beings Are We, Not This Crude Matter, setning sem hinn alvitri Yoda sagði eitt sinn.

Lífið

Breyttist í partístelpu eftir skilnaðinn

Leikkonan Jenny McCarthy segist njóta þess að vera á lausu eftir að hún hætti með leikaranum Jim Carrey fyrr á árinu. Sagan segir að hún reyni allt hvað hún geti til að líta út fyrir að vera hamingjusöm. Jenny flutti nýverið til Las Vegas og skemmtir sér þar eins og enginn sé morgundagurinn. „Ég er byrjuð að ganga í fötum sem mig dreymdi ekki um að klæðast aftur, sagði Jenny á rauða dreglinum í einu af fjölmörgu teitum sem hún mætti í. Á meðfylgjandi mynd má sjá hvernig Jenny hefur breytt um fatastíl síðan hún hætti með Jim.

Lífið

The Office fer til Kína

Breski grínistinn Ricky Gervais segir að kínversk útgáfa af sjónvarpsþáttum sínum, The Office, sé í bígerð. Þættirnir slógu fyrst í gegn í Bretlandi með honum í aðalhlutverki. Síðan var gerð bandarísk útgáfa með Steve Carell í hlutverki skrifstofustjórans og núna er kínversk útgáfa í uppsiglingu.

Lífið

Eltingarleikurinn að nóttu til skemmtilegastur

Victoria Ferell leikur aðalhlutverkið í nýrri íslenskri kvikmynd. Hinn tólf ára gamli nemandi í Melaskóla segist ganga með leikkonudrauminn í maganum. „Ég bjóst alls ekki við þessu en ég var rosalega glöð yfir því að fá hlutverkið. Nú bíð ég bara spennt eftir því að sjá myndina tilbúna,“ segir Victoria Ferrell, sem fer með aðalhlutverkið í kvikmyndinni L7: Hrafnar, Sóleyjar og Myrra sem frumsýnd verður í byrjun næsta árs.

Lífið

Skímó á eina sveitaballi ársins

Eina sveitaball ársins í Njálsbúð í Vestur-Landeyjum verður haldið á föstudagskvöld. Skítamórall, Friðrik Dór, DJ Atli og Stuðlabandið halda uppi stuðinu og feta þar í fótspor Sálarinnar sem spilaði þar á eina ballinu í fyrra

Lífið

Daníel bað Ká Eff Bé afsökunar

Rapparinn Ká Eff Bé vill leiðrétta misskilning í tengslum við sitt nýjasta lag sem hann gerði með söngvaranum Daníel Óliver. Lagið heitir Skjóttu mig! og er að gera góða hluti á FM 957. Ká Eff Bé samdi lagið en þeir Daníel sömdu textann saman.

Lífið

Hasarhetjur á toppinn

Harðhausamyndin The Expendables var frumsýnd vestanhafs um síðustu helgi og fór beint í efsta sætið yfir vinsælustu myndirnar. Myndin er stútfull af hasarmyndahetjum á borð við Sylvester Stallone, Bruce Willis, Jet Li, Jason Statham, Dolph Lundgren og Arnold Scwarzenegger og koma vinsældir hennar því ekki á óvart.

Lífið

Kelsey Grammer faðir á ný

Gamanleikarinn Kelsey Grammer tilkynnti fyrir sex vikum að hann og eiginkona hans til þrettán ára ætluðu að skilja. Nú er ástæðan fyrir skilnaðinum komin fram, en svo virðist sem Grammer hafi átt í ástarsambandi við unga, breska flugfreyju að nafni Kayte Walsh.

Lífið

Frost leysir frá skjóðunni

Breska leikkonan Sadie Frost gaf nýverið út sjálfsævisögu sína og fjallar meðal annars um hjónaband sitt og leikarans Jude Law. Frost var gift kona þegar hún kynntist Law við tökur á kvikmynd.

Lífið

Yrsa tilnefnd til verðlauna

Glæpasagan Sér grefur gröf eftir rithöfundinn Yrsu Sigurðardóttur er á meðal þeirra verka sem tilnefnd eru til Shamus-glæpasagnaverðlaunanna í ár. Verðlaunin eru veitt í Bandaríkjunum ár hvert og er verk Yrsu eina þýdda glæpasagan sem tilnefnd er til verðlaunanna í ár.

Lífið

Til New Orleans í nóvember

Inhale, kvikmynd Baltasars Kormáks verður frumsýnd í kvikmyndahúsum í Bandaríkjunum þann 22. október. Margir hafa beðið spenntir eftir því að sjá frumraun Baltasars utan Íslands og nú virðist sá dagur loksins vera að renna upp. Baltasar mun síðan halda til Ameríku um leið og tökum á kvikmyndinni Djúpinu lýkur en þær hafa staðið yfir í Vestmannaeyjum í sumar.

Lífið

Besta blogg Íslands

Álitsgjöfum okkar, lesendur Lífsins á Vísi, gefst kostur á að kjósa til klukkan 08:00 í fyrramálið besta bloggið á Íslandi. Nú þegar hefur Þorbjörg Marínósdóttir eða Tobba sem bloggar á DV verið nefnd, Pjattrófurnar og Egill Helgason sem blogga á Eyjunni ogg Sverrir Stormsker á Blog.is. Taktu þátt og nefndu uppáhaldsbloggið þitt hér.

Lífið

Suri sjálfstæður krakki

Leikkonan Katie Holmes segir að dóttir hennar og Tom Cruise, Suri, sem er aðeins 4 ára gömul, sér um að hanna sín eigin föt. Suri litla er oftar en ekki lofuð fyrir að klæðast fallegum fötum í heimspressunni. Myndir af stúlkunni birtast iðulega þar sem hún klæðist merkjavöru. Móðir hennar, Katie Holmes, segir að dóttir hennar hafi sterkar skoðanir á því hverju hún klæðist, líkt og hún gerði sjálf þegar hún var krakki. Á mínum uppvaxtarárum var ég yngst af fimm systkinum og var ákveðin í hverju ég vildi ganga hverju sinni," sagði Katie. Suri fær að velja hverju hún gengur í. Hún er mjög sjálfstæð. Við erum byrjaðar að hanna föt á hana saman eða öllu heldur hún hannar fötin sem hana langar að vera í í samvinnu við mig." Síðan hún var eins og hálfs árs hefur hún ákveðið í hverju hún vill vera hverju sinni."

Lífið

Christina Aguilera stolt móðir

Söngkonan Christina Aguilera, 29 ára, segir að tveggja ára sonur hennar, Max, ræði stanslaust um allt á milli himins og jarðar. Christina, sem á soninn með eiginmann sínum, Jordan Bratman elskar að vera móðir og trúir ekki hvað tíminn líður hratt. „Hann hættir ekki að tala og er alltaf að læra ný orð," sagði Christine. Söngkonan veit fátt skemmtilegra en að lesa fyrir Max sem sýgur bókstaflega allar upplýsingarnar sem móðir hans les fyrir hann úr bókunum eins og svampur. „Við hlustum líka oft á tónlist saman. Max elskar trommur. Ég held hann verði trommari þegar hann verður eldri," sagði stolt móðirin.

Lífið

Breyttist eftir að hún eignaðist barn

Leikkonan Bridget Moynahan, 39 ára, segir að eftir að hún varð móðir hafi líf hennar breyst til hins betra. Bridget á tveggja ára son með fyrrverandi unnusta sínum, amerísku fótboltastjörnunni Tom Brady. Hún segir barnsföður sinn standa sig vel sem helgarpabba og að reynsla hennar með Tom hafi gert hana sterkari ef eitthvað er. Að vera móðir, hvort sem þú ert einstæð eða ekki, er alls ekkert auðvelt hlutverk. Ég er ekki að kvarta yfir neinu því líf mitt er frábært. Sonur minn er í góðu jafnvægi þrátt fyrir þá staðreynd að við, foreldrar hans erum ekki saman. Hans koma í heiminn hefur algjörlega breytt mér og lífi mínu til hins betra," sagði Bridget. Bridget áttaði sig á að hún var barnshafandi stuttu eftir að hún hætti með Tom en hann er í dag giftur brasilísku ofurfyrirsætunni Gisele Bundchen og á með henni 8 mánaða gamlan son, Benjamin.

Lífið

Scarlett næsta Salander?

Leikkonan Scarlett Johansson kemur sterklega til greina í hlutverk tölvuhakkarans Lisbeth Salander fyrir bandarísku útgáfuna af Karlar sem hata konur eftir Stieg Larsson. Nánast daglega berast fregnir af ungum Hollywood-stirnum sem keppast um að hreppa hnossið og nú ber nafn 25 ára leikkonunnar Scarlett á góma. Leikstjórinn þykir hrifinn af Scarlett og hennar frammistöðu í áheyrnarprófinu. Einnig fylgir sögunni að Scarlett er mjög spennt fyrir að takast á við karakterinn.

Lífið

480 þúsund krónur nóttin

Leikkonan Hilary Duff, 22 ára, og hokkíspilarinn Mike Comrie eyddu brúðkaupsnóttinni í lúxussvítu þar sem nóttin kostar 480 þúsund íslenskar krónur. Þar eyddu þau nóttinni eftir að athöfnina sem fram fór á meðan sólin settist í Santa Barbara á laugardagskvöldið að viðstöddum 100 gestum. Eftir veisluna fóru Hilary og Mike til San Ysidro og eyddu nóttinni þar. Nákvæmlega á sama stað gisti John F Kennedy á brúðkaupsnóttina með konu sinni Jackie árið 1953. Jennifer Lopez og Marc Anthony gistu einnig í umræddu húsnæði þegar þau gengu í heilagt hjónaband árið 2004. Morguninn eftir mættu allir gestirnir, hundrað talsins, og snæddu morgunverð á hótelinu með nýgiftu hjónunum.

Lífið

Ilmurinn gerir menn brjálaða

Söngkonan Fergie, 35 ára, segir eiginmann hennar, Josh Duhamel, brjálaðan í nýja ilmvatnið hennar. The Black Eyed Peas söngkonan setti á markað eigið ilmvatn sem ber heitið Outspoken og nú þegar er ilmurinn hennar sá mest seldi í Bandaríkjunum. Fergie er hrifin af ilmvatninu og notar það stöðugt að eigin sögn. Hún heldur því fram að lyktin geri menn bókstaflega brjálaða og að eiginmaður hennar getur ekki látið hana í friðið eftir að hún spreyjar á sig. „Hann getur ekki hægt að lykta af hálsinum á mér þegar ég er með það," sagði söngkonan. Fergie er stolt af þvi að hafa þróað ilmvatn sem lyktar ómótstæðilega eins og Outspoken. Hún lagði mikið í því að ilmurinn yrði nákvæmlega eins og hún þráði. „Ég vildi búa til ilmvatn sem væri eins og tónlistin mín. Ilm sem hefði sögu og persónuleika," sagði Fergie.

Lífið

Fyrsti kossinn skiptir öllu

Þýska fyrirsætan Heidi Klum passar að láta ekki of mikið upp þegar kemur að fyrsta stefnumóti hennar og Seal, núverandi eiginmanns hennar. „Við fórum á kósí stað og fengum okkur kvöldmat saman. Það var mjög notalegt en ég get ekki sagt nákvæmlega hvað við gerðum yfir matnum. Það væri of dónalegt að segja frá því. En ég get sagt að þetta var fullkomið fyrsta stefnumót. Annars vil ég halda því út af fyrir mig," sagði Heidi spurð út í fyrsta stefnumót hennar og Seal.

Lífið

Notar sólarvörn allt árið um kring

Ástralska söngkonan Kylie Minogue, 42 ára, ber sólarvörn á andlit sitt allt árið um kring og það öllum stundum. „Ég er öfgafull þegar kemur að sólarvörn. Meira að segja þegar ég er í miðju flugi þá maka ég á mig sólarvörn," sagði Kylie. Söngkonan notar brúnkukrem þegar hún vill sýnast brún í framan en það sem skiptir hana mestu máli er að vernda húðina fyrir geislum sólar og til þess notar hún krem. „Þegar ég var yngri vissi ég ekki betur. Í barnaskóla lögðum við okkur fram við að vera dökkbrún og gjörsamlega bökuðum okkur í sólinni án þess að bera á okkur sólarvörn."

Lífið

Loksins skilin

Leikkonan Patricia Arquette, 42 ára, varð ástafangin af Thomas Jane, 41 árs, árið 2001 á Ítalíu og giftist honum fimm árum síðar. Nú hefur fjölmiðlafulltrúi hennar staðfest að þau eru lskilin. Saman eiga þau sjö ára dóttur, Harlow Olivia Calliope. Í sambandinu hefur gengið á ýmsu. Í janúar árið 2001 sótti Patricia um skilnaði vegna óásættanlegs ágreinings en síðan ákváðu þau að vinna sig út úr vandanum og hún hætti við að skilja. Patricia giftist leikaranum Nicolas Cage árið 1995 en þau skildu fimm árum síðar, árið 2000. Skilnaðarskjöl Patriciu og Nicolas sýna að þau voru aðeins gift í níu mánuði en þau hafa kosið að tjá sig ekki um það í fjölmiðlum.

Lífið

Tilbúin að vinna

Leikkonan Lindsay Lohan hefur gefið út þær yfirlýsingar að hún geti ekki beðið eftir að komast aftur í vinnuna.

Lífið

150 milljónir fyrir þáttinn

Leikararnir Charlie Sheen og Hugh Laurie og spjallþáttastjórnandinn Oprah Winfrey eru meðal hæstlaunaða sjónvarpsfólkinu í Bandaríkjunum segir í tímaritinu TV Guide. Sheen fær rúmar 150 milljónir króna fyrir hvern þátt af Two and a Half Men en mótleikari hans, Jon Cryer, fær tæpar 70 milljó

Lífið

Twitter fyrir uppistand

Breski leikarinn Stephen Fry ætlar að koma fram á uppistandssýningu í Royal Albert Hall í London 20. september. Hann ætlar að biðja fylgjendur sína á síðunni Twitter að benda sér á hentug umfjöllunarefni. Stutt er síðan Fry hélt fjórar svipaðar sýningar í Sydney og Melbourne í Ástralíu. „Ég hef verið kynnir og gestur á þessum merka stað mörgum sinnum en ég haf aldrei verið með mína eigin sýningu þar. Ég er mjög spenntur,“ sagði Fry. Hann bætti við að ef sýningin gengur vel gæti hann farið í uppistandsferðalag um Bretland í einn mánuð.

Lífið

Britney reið

Söngkonan Britney Spears vildi taka upp lag með fyrrum kærasta sínum, söngvaranum Justin Timberlake, og brást hin versta við þegar hann neitaði bón hennar.

Lífið

Dauðarokkarar kveðja í bili

„Við erum mjög spenntir. Það verður gaman að fá að kveðja landann með dúndurtónleikum,“ segir söngvarinn Ingólfur Ólafsson. Dauðarokkssveitin Severed Crotch heldur kveðjutónleika á Sódómu á laugardagskvöld. Ástæðan er sú að trommarinn, Gunnar Þór Einarsson, er að flytja til Kanada í hljóðvinnslunám í að minnsta kosti eitt ár. Á meðan tekur sveitin sér hlé frá tónleikahaldi.

Lífið

Beyoncé apar eftir E-label

Buxur í nýrri haustlínu tískumerkisins Dereon, sem er í eigu söngkonunnar Beyoncé, þykja afskaplega líkar buxum frá E-label, sem söngkonan keypti í haust.

Lífið

Borðar allt sem hana langar í á sunnudögum

Söngkonan Beyoncé Knowles, 28 ára, leyfir sér að borða allt sem hana langar í en aðeins á sunnudögum. Söngkonan er á ströngum matarkúr til að halda í mjúkar línurnar og formið. Hún leyfir sér þó að njóta og það gerir hún á sunnudögum. Þá borðar hún það sem henni þykir gott án þess að velta sér upp úr innihaldinu og hvort hún bæti á sig í kjölfarið. Ég þarf að passa vel hvað ég læt ofan í mig en ég er ekki að reyna að losa mig við líkamslagið mitt. Ég borða til að mynda aldrei pasta. Ég á það til að borða mikið yfir helgarnar en á sunnudögum borða ég alltaf nákvæmlega það sem mig langar í," sagði Beyoncé. Að vera á sviði er líkamsrækt út af fyrir sig og þegar ég er ekki á tónleikaferðalagi þá mæti ég í líkamsræktina og geri það sem fólk gerir það. Lyfti lóðum, tek magaæfingar og þess háttar."

Lífið

Fagaðilar gagnrýna tískuviku

„Það er vafasamt að hægt sé að halda viðburð með þessu nafni án samstarfs við Fatahönnunarfélag Íslands og starfandi fagfólk í greininni,“ segir Halla Helgadóttir, framkvæmdastjóri Hönnunarmiðstöðvarinnar, en hún er að vísa í Iceland Fashion Week sem verður haldin í byrjun næsta mánaðar.

Lífið

Mest lesið