Lífið

Russell Crowe ætlaði að drepa mann

Russell Crowe hótaði að drepa kvikmyndaframleiðandann Branko Lustig á tökustað kvikmyndarinnar Gladiator. Crowe hafði komist að því að aðstoðar­menn á tökustaðnum væru að vinna fyrir skítalaun og vildi að Lustig lagaði hlutina í snatri. „Helvítis fíflið þitt, ég drep þig með berum höndum,“ á Crowe að hafa sagt en þetta kemur fram í bók eftir rithöfundinn Nicole Laporte sem á að koma út á næstunni.

Lífið

Bubbi er kolbrjálaður

Ísland í dag fór á stúfana og tók saman stórskemmtilega Nærmynd af Bubba Morthens þar sem talað er við fjölda fólks og farið yfir ferilinn.

Lífið

Nýtt par?

Leikarinn Josh Hartnett sást um helgina á skemmtistað í New York ásamt leikkonunni Abbie Cornish, fyrrverandi kærustu hjartaknúsarans Ryans Phillippe.

Lífið

Fjaðrafok í New York út af íslensku fálkamyndinni

„Það hefur verið uppselt á allar sýningar hingað til og við höfum fengið góð og mikil viðbrögð,“ segir Þorkell Harðarson en hann frumsýndi ásamt Erni Marinó Arnasyni heimildarmyndina Feathered Cocaine á Tribeca-kvikmyndahátíðinni í New York á föstudaginn. Feathered Cocaine fjallar um umfangsmikið smygl á evrópskum fálkum til Mið-Austurlanda en það sem hefur vakið hvað mestu athyglina er að í myndinni kemur fram að einn mest eftirlýsti maður heims, Osama bin-Laden, er ekki eins vel falinn og vestræn yfirvöld hafa haldið fram. Örn og Þorkell voru til að mynda bara hársbreidd frá því að komast í návígi við hryðjuverkamanninn. Þeir Þorkell og Örn hafa verið bókaðir í fjölda viðtala, meðal annars við stórblaðið New York Times.

Lífið

Simon innbyrðir aðeins ávaxtadrykki

Simon Cowell er nú í strangri megrun fyrir væntanlegt brúðkaup sitt í sumar og fylgist unnusta hans, förðunarfræðingurinn Mezhgan Hussainy, vel með gangi mála. Samkvæmt heimildarmönnum er Cowell mjög upptekinn af holdafari sínu og innbyrðir aðeins ávaxtadrykki í öll mál. Nýlega sást til Cowells og unnustu hans þar sem þau deildu með sér litlum fiskiforrétti á veitingastað en slepptu aðalréttinum.

Lífið

Kammerkór í Kristskirkju í kvöld

Í kvöld verða tónleikar í Kristskirkju í Landakoti og hefjast kl. 20. Þeir bera yfirskriftina „María drottning, mild og skær“ og þar kemur fram Kammerkór Reykjavíkur undir stjórn Sigurðar Bragasonar. Einsöngvarar koma úr röðum kórfélaga. Á efnisskránni er íslensk og erlend kirkjutónlist.

Lífið

Hádegi í Hafnarfirði

Í dag verða hádegistónleikar í Hafnarfjarðarkirkju. Þeir hefjast kl. 12.15-12.45. Douglas Brotchie, organisti Háteigskirkju í Reykjavík, flytur fjölbreytta og fagra barokktónlist á Wegscheider-orgel kirkjunnar. Á efnisskrá eru verk eftir Otto Olsson (1879-1964), Johann Pachelbel (1653-1706), :Georg F Kaufmann (1679-1735), Johann Caspar Kerll (1627-1693), og Georg Muffat (1653-1704): Tónleikunum var aflýst í mars vegna veikinda. Listamaðurinn hefur sérstaklega valið efnisskrána með tilliti til hljóms þessa einstaka hljóðfæris sem er í upprunalegum þýskum mið-átjándu aldar stíl. Orgelsmiðurinn Kristian Wegscheider í Dresden þykir fremsti sérfræðingur heims um þessar mundir í smíði og endurgerð upprunahljóðfæra af þessari gerð.

Lífið

„Hann sér manneskjuna á bakvið fötlunina"

Ásdís Jenna Ástráðsdóttir hefur verið heyrnarlaus og bundin við hjólastól allt sitt líf. Fyrir þremur árum fann hún ástina á vefsíðunni einkamál.is með hjálp tölvu sem hún stjórnar með augunum.

Lífið

Mest lesið