Erlent

Evrópsk varnarsamvinna að komast á nýtt stig

Á mánudaginn mun Evrópusambandið stofna sjóð sem á að standa straum af kostnaði við evrópska varnarsamvinnu og það þrátt fyrir að Bretland ætli sér ekki að taka þátt.

Fyrrum yfirmaður verkefnis breska hersins um fljúgandi furðuhluti varar við árás geimvera

Rétt eftir að yfirmaður bresku leyniþjónustunnar varaði við hryðjuverkaógninni kom önnur viðvörun, en í þetta sinn frá fyrrverandi yfirmanni verkefnis breska hersins um fljúgandi furðuhluti. Hann varaði við árásum geimvera, sagði að þær gætu átt sér stað hvenær sem er og einna helst á Bretlandi.

Stór lottóvinningur

Pólverjar íhuga að reisa kjarnorkuver vegna vantrausts á Rússum

Pólverjar eru að íhuga að reisa kjarnorkuver til orkuframleiðslu, því þeir treysta ekki Rússum til þess að sjá sér fyrir orku. Rússar hafa sýnt sig að vera ekki mjög áreiðanlegir byrgjar, og nota orku sína í pólitískum tilgangi.

Leita leiða til að lifa í breyttu loftslagi

Evrópusambandið mun á næsta ári leita eftir hugmyndum um hvernig það getur bætt undirbúning sinn undir loftslagsbreytingar.

Vörður um homma og lesbíur

Öflugur lögregluvörður var um nokkur þúsund homma og lesbíur og stuðningsfólk þeirra, í skrúðgöngu á Hinsegin dögum í Jerúsalem, í dag.

Náttúruverndarráð Noregs vill útrýma kóngakrabba í Noregi

Náttúruverndarráð Noregs vill að kóngakrabbar verði álitin umhverfisógn en ekki nytjategund og að veiðar á þeim verði auknar til þess að koma í veg fyrir frekari útbreiðslu. Krabbinn er mesti vargur og leggst til dæmis á síldar- og loðnuhrogn. Hann er nýleg tegund í norskri lögsögu og skilur eftir sig sviðna jörð þar sem hann hefur farið um sjávarbotninn.

Fyrsta ríkisstjórn Svartfjallalands staðfest

Þing Svartfjallalands staðfesti í dag fyrstu ríkisstjórn þessa nýlega sjálfstæða ríkis.

Uppstokkun í bresku ríkisstjórninni

Breski iðnaðar- og viðskiptaráðherrann Alistair Darling mun taka við embætti orkumálaráðherra, til viðbótar við núverandi embætti. Malcolm Wicks, sem verið hefur orkumálaráðherra færist yfir í vísindaráðuneytið þar sem David Sainsbury lávarður ætlar að draga sig í hlé úr stjórnmálum eftir átta ár sem ráðherra.

Miklir skipsskaðar í sjóorrustum á Sri Lanka

Stjórnarherinn á Srí Lanka sökkti í morgun tveimur skipum tamíla-tígra sem sögð voru hlaðin sprengiefnum. Þá var háttsettur stjórnmálamaður úr röðum tamíla skotinn til bana í morgun í höfuðborginni Colombo.

Breska leyniþjónustan rannsakar áform um 30 hryðjuverkaárásir

Elísa Manningham-Buller, yfirmaður bresku leyniþjónustunnar MI5, segir 30 hryðjuverkaárásir í rannsókn í Bretlandi og að leyniþjónustan fylgist með yfir 1600 einstaklingum, sem margir væru í tengslum við Al-Kæda í Pakistan.

Tvíhliða samningur í höfn milli Rússa og Bandaríkjamanna

Rússneskir og bandarískir samningamenn hafa komist að samkomulagi um tvíhliða samninga sem nauðsynlegir eru til þess að Rússland geti fengið aðgang að Alþjóðaviðskiptastofnuninni, samkvæmt heimildum Reuters-fréttastofunnar. Viðræður hafa staðið nánast allan sólarhringinn, að sögn starfsmannastjóra fjármálaráðuneytis Rússlands.

Hamas ekki í nýrri stjórn Palestínumanna

Ismail Haniyeh, forsætisráðherra Palestínu, gaf í skyn í dag að hann myndi ekki taka sæti í þjóðstjórninni sem Hamas samtökin eru að reyna að mynda með Fatah hreyfingu Mahmouds Abbas, forseta.

Einstakt tækifæri fyrir efnahag Afríku

Afríka hefur núna sjaldgæft tækifæri til að snúa vörn í sókn og bæta efnahag álfunnar, þar sem saman fer hagstætt alþjóðahagumhverfi, niðurfelling skulda og breytingar í uppbyggingu. Þetta sagði varaframkvæmdastjóri Alþjóðagjaldeyrissjóðsins í gærkvöldi. John Lipsky er í sinni fyrstu heimsókn til suðurhluta Afríku síðan hann tók við embætti í september.

55 veikir og einn látinn eftir eitraðar tertur í Uppsölum

Á sjötta tug manna hafa fengið magapest eftir að hafa fengið sneið af tertum frá bakaríi í Uppsölum í Svíþjóð. 86 ára gamall maður lést eftir að hafa smakkað á tertu í erfidrykkju og sjö börn sem fengu afmælistertu í barnaafmæli hafa legið veik. Starfsmaður bakarísins bar caliciveiruna inn í bakaríið eftir að börn hans fengu pest.

Google til bjargar læknum

Vísindamenn við háskólann í Brisbane í Ástralíu ráðleggja læknum að "gúgla" sjúkdómseinkenni erfiðra greininga, þ.e. leita að þeim með hjálp Google leitarvélarinnar á internetinu. Leitarvélin hafði rétt svar í 58% tilfella, þannig að þó að ekki sé alltaf hægt að treysta á hana, þá má hafa hana til hliðsjónar.

Snemmbúnar kosningar í Serbíu

Boris Tadic, forseti Serbíu, boðaði til snemmbúinna kosninga í landinu í dag. Þær fara fram þann 21. janúar á næsta ári og mun þetta hafa einhver áhrif á það hvenær ákvörðun verður tekin um framtíð Kosovo-héraðs. Fulltrúar Bandaríkjamanna, Breta, Rússa, Frakka, Þjóðverja og Ítala funda í dag um næstu skref í málefnum Kosovo.

Fjörutíu grindhvölum bjargað á Nýja-Sjálandi

Fjörutíu grindhvölum var komið aftur á flot en aðrir 37 drápust eftir að hópur grindhvala synti upp á ströndina við Whangarei á norðanverðu Nýja-Sjálandi. 85 sjálfboðaliðar og opinberir starfsmenn biðu í viðbragðsstöðu meðan hópurinn synti út á ný þar sem hvalirnir hafa tilhneigingu til þess að leita aftur upp á ströndina eftir að hafa verið bjargað.

Nýr framkvæmdastjóri Alþjóðaheilbrigðis- stofnunarinnar

Margaret Chan náði í gær kjöri sem nýr framkvæmdastjóri Alþjóðaheilbrigðisstofnunarinnar WHO. Í þakkarræðu sinni sagðist hún myndu leggja mesta áherslu á heilbrigðismál kvenna og Afríkubúa. Þetta er æðsta embættið á alþjóðavettvangi sem nokkur Kínverji hefur gegnt en Chan hét því þó að vera sjálfstæð og óháð kínverskum áhrifum þó hún væri stolt af þjóðerni sínu.

Bolton næstur til að fara

Búist er við því að sá næsti sem missi vinnuna eða þurfi að segja af sér eftir kosningasigur demókrata í Bandaríkjunum, verði John Bolton, sendiherra Bandaríkjanna gagnvart Sameinuðu þjóðunum. Ríkisstjórn Bush vill halda Bolton í embættinu en til þess þarf öldungadeildin að samþykkja tilnefningu hans. Á því eru litlar líkur eftir því sem BBC hefur eftir nokkrum öldungadeildarþingmönnum.

Íranar hóta að slíta sig frá Alþjóðakjarnorkumála- stofnuninni

Íranar hóta því að endurskoða aðild sína að Alþjóðakjarnorkustofnuninni ef öryggisráð Sameinuðu þjóðanna samþykkir ekki breytingartillögur Rússa á evrópsku uppkasti að viðskiptaþvingunum gegn Írönum. Ali Larijani, framkvæmdastjóri landvarnaráðs Írans tilkynnti þetta rétt eftir að hann kom til Moskvu til viðræðna við stjórnmálamenn í Rússlandi.

Ed Bradley lést úr hvítblæði

Bandaríkjamaðurinn Ed Bradley, einn stjórnenda fréttaskýringaþáttarins 60 mínútur, lést í gær úr hvítblæði á sjúkrahúsi í New York í Bandaríkjunum.

Andstæða forverans

Væntanlegur varnarmálaráðherra Bandaríkjanna, Robert Gates, er líklegur til þess að gera verulegar breytingar á stríðsrekstrinum í Írak. Hann þykir gerólíkur forvera sínum í embætti, hinum umdeilda Donald Rumsfeld.

Rumsfeld hverfur úr embætti

„Þetta byrjaði að þróast smám saman," sagði Tony Snow, fjölmiðlafulltrúi Hvíta hússins, í gær um brotthvarf hins umdeilda varnarmálaráðherra Donalds Rumsfeld.

Bush skiptir um gír

Bush forseti á erfið tvö ár í vændum þar sem demókratar hafa náð meirihluta í báðum deildum þingsins í fyrsta sinn í tólf ár. Bush virðist fús til samstarfs við Demókrataflokkinn og er engu líkara en tapið sé honum ákveðinn léttir.

Kosinn á þing fyrstur múslima

Múslimi var í fyrsta sinn kosinn á þjóðþing Bandaríkjanna í Washington á þriðjudaginn. Keith Ellison er lögfræðingur frá Minneapolis og hefur setið á ríkisþinginu í Minnesota.

Schwarzenegger snýr aftur

Arnold Schwarzenegger vann sætan sigur í Kaliforníu þegar hann var endurkjörinn í ríkisstjóraembættið með yfirgnæfandi meirihluta og situr því annað kjörtímabil.

Þrefalt meiri ofdrykkja

Fimmti hver karlkyns Dani sem náð hefur sextíu og fimm ára aldri á við áfengisvandamál að stríða. Mælist ofdrykkja í þessum hópi þrefalt meiri nú en hún gerði fyrir tólf árum.

Dvínandi gildi hornsteinanna

Aðildin að Atlantshafsbandalaginu og varnarsamstarfið við Bandaríkin hafa í meira en hálfa öld verið hornsteinar öryggis- og varnarmálastefnu Íslands. Margt hefur grafið undan þessum hornsteinum á síðustu árum. Önnur grein.

Réttindi samkynhneigðra aukin í Mexíkóborg

Þingið í Mexíkóborg lögleiddi í dag borgaralega hjónavígslu samkynhneigðra. Í Mexíkó er næstmesti fjöldi kaþólikka og mómæltu margir þessum nýju lögum.