Erlent

Danir styðja lögregluna

Yfirgnæfandi meirihluti dönsku þjóðarinnar er ánægður með framgöngu lögreglunnar í Ungdómshúss- málinu, samkvæmt skoðanakönnun sem gerð var fyrir dönsku sjónvarpsstöðina TV-2. Samkvæmt könnuninni þykir 92 prósentum Dana að lögreglan hafi unnið sitt starf mjög vel eða vel, í óeirðunum síðustu daga.

Erlent

Um helmingur enn óákveðinn

Um helmingur Frakka hefur enn ekki gert upp hug sinn fyrir forsetakosningar sem haldnar verða í næsta mánuði. Þetta kemur fram í skoðanakönnun Le Parisien sem birt var í dag. Ekki hafa fleiri verið óákveðnir þetta stuttu fyrir kosningar síðan 1981 þegar Francois Mitterand var kjörinn forseti og meira en helmingi fleiri eru óákveðnir nú en fyrir síðustu kosningar árið 2002.

Erlent

Laug til um doktorsgráðu

Alfræðivefritið Wikipedia er í vandræðum eftir að upp komst að einn helstu höfunda þess hefur löngum logið til um nafn sitt og þóst vera með doktorsgráðu, sem hann er ekki með. Höfundurinn, sem er þekktur undir notendanafninu Essjay hefur löngum sagst vera prófessor í trúarbragðafræðum við einkaháskóla þegar í raun er hann Ryan Jordan, 24 ára háskólanemi frá Kentucky.

Erlent

Verjendur gagnrýna lögreglu og dómstóla

Verjendur þeirra sem voru handteknir í óeirðum á Norðurbrú í Kaupmannahöfn gagnrýna margir hverjir borgardómara og lögreglu fyrir framferði sitt. Af þeim 225 sem leiddir hafa verið fyrir dómara eftir óeirðirnar hafa um 200 verið úrskurðaðir í gæsluvarðhald.

Erlent

Færri fórust en fyrst var talið

Nú er ljóst að það voru 22 sem fórust í flugslysinu í Indónesíu, ekki 49 eins og fyrst var talið. 118 lifðu slysið af en margir þeirra eru sárir. Forseti Indónesíu hefur þegar fyrirskipað rannsókn á því hvað olli slysinu. Það kviknaði í Boeing 737-400 þotu Garuda-ríkisflugfélagsins þegar hún lenti á flugvellinum í Yogyakarta á Jövu í morgun. Líklegast er talið að þotan hafi verið á of miklum hraða þegar hún lenti.

Erlent

Bara framhliðin eftir

Niðurrifi Ungdomshússins á Norðurbrú í Kaupmannahöfn er nær lokið. Síðustu múrsteinarnir voru rifnir af grunninum rétt fyrir miðnætti í gærkvöldi og aðeins stendur eftir framhlið hússins. Nokkur fjöldi mótmælenda var á ferli fram á nótt en mótmælin fóru að mestu friðsamlega fram. Þó voru sjö ungmenni á aldrinum 16 til 17 ára handtekin undir morgun fyrir að hafa kveikt í bíl þegar mótmælin stóðu sem hæst. Þau dúsa nú í fangageymslum.

Erlent

Áframhaldandi þíða

Stjórnvöld Norður-Kóreu virðast nú vinna markvisst að þíðu í samskiptum við ríki sem þau hafa lengi eldað grátt silfur saman með. Í gær lauk fundi erindreka Norður-Kóreu og Bandaríkjanna í New York, þeim fyrsta frá Kóreustríðinu og sögðu báðir aðilar fundinn hafa verið árangursríkan.

Erlent

120 myrtir á leið á trúarhátíð

Uppreisnarmenn réðust að sjíta-pílagrímum með byssum og sprengjum þar sem pílagrímarnir voru á leið á trúarhátíð í hinni helgu borg Kerbala í morgun. Minnst fimm fórust og tíu að auki særðust í árásinni. Í gær fórust 115 í sprengjuárásum í Írak á leið sinni á trúarhátíðina. Talið er að árásarmennirnir séu súnníar en stjórnmálaskýrendur óttast að árásirnar muni vera olía á deilueld trúarhópanna tveggja en átökum þeirra hefur verið lýst sem borgarastyrjöld.

Erlent

Mannskætt flugslys í Indónesíu

Minnst 49 fórust þegar kviknaði í indónesískri farþegaþotu við lendingu í Yogyakarta á Jövu í nótt. Tugir náðu að komast frá borði og enn er einhverra leitað í flaki flugvélarinnar. Alls voru 140 í flugvélinni þegar eldurinn kom upp þar af 133 farþegar.

Erlent

Heimta nýtt ungdómshús

Hópur ungmenna sem áður hélt til í Ungdómshúsinu á Norðurbrú krefst þess að yfirvöld láti þeim í té nýtt hús.

Erlent

Verslanir tapa milljónum á dag

Verslunareigendur á Norðurbrú hafa tapað allt að einni milljón króna á degi hverjum frá því að óeirðaástand skapaðist þar eftir að mótmæli vegna rýmingar Ungdómshússins fóru úr böndunum.

Erlent

Stærsta sóknin frá upphafi

Hermenn á vegum NATO hófu á mánudaginn stórsókn á hendur herskáum talibönum í Helmand-héraði, sem er sunnan til í Afganistan. Aðgerðirnar eru þær viðamestu sem NATO hefur stjórnað í landinu frá upphafi.

Erlent

Sakfellt í lekamálinu í gær

Fyrrverandi starfsmannastjóri Dick Cheney, varaforseta Bandaríkjanna, Lewis Libby, var í gær sakfelldur fyrir hindrun réttvísinnar, meinsæri og að hafa logið að alríkislögreglunni (FBI) við rannsókn á leka á nafni útsendara leyniþjónustunnar (CIA).

Erlent

Hálfrar aldar sjálfstæði fagnað

Gana varð fyrsta nýlendan í Afríku sunnan Sahara til þess að hljóta sjálfstæði eftir seinni heimsstyrjöldina. Næstu árin sigldi í kjölfarið hver nýlendan á fætur annarri og smám saman hrundi nýlenduveldi Evrópuríkjanna í Afríku.

Erlent

Flugvelli í Venesúela lokað vegna sprengjuhótunar

Yfirvöld í Venesúela lokuðu í kvöld flugvelli á ferðamannaeyjunni Margarita vegna hótunnar um að sprengja væri um borð í flugvél sem var á leið þangað. Rúmlega 100 farþegar voru um borð í vélinni sem var að koma frá Hollandi. Vélin lenti heilu og höldnu á flugvellinum og farþegarnir komust allir heilir á húfi frá borði. Lögregla er nú að leita að sprengju um borð.

Erlent

Vilja háhraðalest á milli Spánar og Marokkó

Spænski forsætisráðherrann, Jose Luis Rodriguez Zapatero, sagði í dag að hann mundi beita sér fyrir því að jarðgöng yrðu gerð undir Gíbraltarsund til Marakkó. Göngin myndu vera fyrir háhraðalest og myndi tengja borgina Tangier í Marokkó við borgina Tarifa á Spáni.

Erlent

Forsetaframbjóðandi þarf erlendis í læknisskoðun

Forsetaframbjóðandi stjórnarflokksins í Nígeríu, Umaru Yar'Adua, þurfti í dag að fara erlendis í læknisskoðun. Flokkurinn sagði í yfirlýsingu í dag að þetta væri venjubundið eftirlit og að Yar'Adua myndi snúa aftur fljótlega til þess að taka þátt í kosningabaráttunni af fullum krafti.

Erlent

Viðræður Norður-Kóreu og Bandaríkjanna ganga vel

Viðræðurnar á milli Norður-Kóreu og Bandaríkjanna í dag gengu mjög vel. Þetta sagði aðstoðarutanríkisráðherra Bandaríkjanna Christopher Hill við fréttamenn í dag. Hann sagði miklar líkur á því að samkomulagið sem að var sæst á þann 13. febrúar síðastliðinn myndi halda. „Þetta voru mjög góðar viðræður.“ sagði Hill.

Erlent

Cheney vonsvikinn

Dick Cheney, varaforseti Bandaríkjanna, lýsti í kvöld yfir miklum vonbrigðum með úrskurðinn í máli fyrrum aðstoðarmanns hans, Lewis „Scooter“ Libby. Libby var í dag fundinn sekur um að hafa logið að alríkislögreglunni og hindra rannsókn þeirra.

Erlent

115 látnir og að minnsta kosti 200 slasaðir

Alls 115 manns hafa nú látið lífið í sprengjuárásunum sem áttu sér stað í borginni Hilla í dag. Þetta kom fram í tilkynningu frá sjúkrahúsinu í borginni. Samkvæmt tölum þeirra slösuðust að minnsta kosti 200 manns í árásunum. Lögregla í borginni hafði áður sagt að 77 hefðu látið lífið.

Erlent

Ópíumframleiðslan eykst stöðugt

Hersveitir Atlantshafsbandalagsins í Afganistan hófu í dag sína hörðustu sókn til þessa gegn uppreisnarmönnum í suðurhluta landsins. Vegna ástandsins í landinu stefnir í að ópíumframleiðsla á árinu verði meiri en dæmi eru um.

Erlent

Mannskæður jarðskjálfti í Indónesíu

Óttast er að í það minnsta sjötíu manns hafi farist í tveimur jarðskjálftum sem riðu yfir Súmötru í Indónesíu í morgun. Engin flóðbylgja myndaðist vegna skjálftanna en miklar skemmdir urðu hins vegar á mannvirkjum.

Erlent

Á annað hundrað pílagrímar látnir

Að minnsta kosti 112 pílagrímar liggja í valnum eftir fjölmörg hryðjuverk í Írak í dag. Versta árásin var framin í borginni Hillah en þar laumuðu tveir menn gyrtir sprengjubeltum sér inn í helgigöngu sjía sem var á leið til hinnar helgu borgar Karbala. Yfir níutíu fórust í því hermdarverki.

Erlent

Kínverjar auka umsvif sín í geimnum

Kínverjar ætla sér að skjóta sinni fyrstu tunglkönnunarflaug á loft seinna á þessu ári. Huang Chunping, háttsettur starfsmaður kínversku geimferðastofnunarinnar, staðfesti þetta í dag. „Við teljum það heldur ekki óraunhæft að koma manni á tunglið á innan við 15 árum.“ sagði hann enn frekar.

Erlent

Libby sekur

Lewis „Scooter“ Libby, fyrrum aðstoðarmaður Dick Cheney, varaforseta Bandaríkjanna, var rétt í þessu fundinn sekur um að hindra framgang réttlætisins. Hann var sakaður um að hafa lekið nafni útsendara bandarísku leyniþjónustunnar til fjölmiðla.

Erlent

Latur þjófur

Belgiska fornmunasalanum Johan Dumon brá í brún þegar hann kom heim úr sumarfríi og uppgötvaði að verslunin hans hafði verið tæmd. Johan var reyndar sestur í helgan stein og verslunin hafði verið lokuð í þrjú ár, en þar átti þó að vera enn mikið af verðmætum munum.

Erlent

Fróaði sér yfir farþega

Tvítugur starfsmaður bandaríska flugfélagsins Northwest Airlines hefur verið handtekinn fyrir að fróa sér yfir farþega. Kona sem var farþegi í flugi frá Seattle til Minneapolis var að reyna að sofa og í svefnrofunum fann hún sessunaut sinn snúa sér að henni, þar sem hún hafði snúið sér út á hlið.

Erlent

Flaug á hús tengdamóður

Bandarískur maður varð sjálfum sér og átta ára gamalli dóttur sinni að bana í Indíanafylki í gær, þegar hann flaug einshreyfils Cessna flugvél sinni á hús fyrrverandi tengdamóður sinnar. Tengdamóðurina sakaði ekki.

Erlent

Hátt í sjö hundruð handteknir í Kaupmannahöfn

Lögreglan í Kaupmannahöfn hefur nú handtekið 675 manns í tengslum við óeirðirnar vegna niðurrifs Æskulýðshússins á Norðurbrú í borginni. Jótlandspósturinn hefur eftir lögreglu að nítján manns hafi verið handteknir í gærkvöld og nótt og þá voru sex handteknir í morgun fyrir að kveikja í bíl.

Erlent

Mest lesið