Erlent

Íransforseti vill áheyrn öryggisráðs

Íransforseti vill áheyrn öryggisráðs Sameinuðu þjóðanna þar sem hann vill verja kjarnorkuáætlanir landsins, því lýsti hann yfir í gær. Vesturveldin hafa haldið því fram að Íranir ætli sér að framleiða kjarnorkuvopn en því hefur forsetinn vísað alfarið á bug. Sendiherra Kína hjá Sameinuðu þjóðunum sagði eftir ummælin að auðvitað væri Íransforseta velkomið að fá áheyrn öryggisráðsins, líkt og öllum öðrum meðlimum Saminuðu þjóðanna.

Erlent

Baradei á leið til Norður-Kóreu

Mohamad El Baradei yfirmaður Alþjóðakjarnorkumálastofnunarinnar er nú í Kína á leið sinni til Norður-Kóreu þar sem hann ætlar að ræða við stjórnvöld um að láta af kjarnorkuáætlunum í skiptum fyrir efnahagsaðstoð, líkt og samið var um í sex ríkja viðræðum í byrjun febrúar.

Erlent

Kona rændi þriggja daga gömlu barni

Rúmlega tvítug kona var handtekin í Nýju-Mexíkó í gær, grunuð um að hafa rænt barni daginn áður. Konan þóttist vera hjúkrunarfræðingur og hafði áður sagt móðurinni að hún þyrfti að fara með barnið í rannsóknir.

Erlent

Illir andar hraktir á brott

Leiðtogar Maja- indíána í Gvatemala eru ekki ánægðir með fyrirhugaða heimsókn Bush Bandaríkjaforseta til landsins. Bush er nú á vikuferðalagi um Suður-Ameríku í þeim tilgangi að liðka til í samskiptum við lönd í álfunni.

Erlent

Stafrænt ofbeldi æ algengara

Nútímatækni á borð við sms-skeyti, tölvupóst og GPS-tæki eru meðal þeirra leiða sem ofbeldismenn nota í síauknum mæli til að elta uppi fyrrverandi eiginkonur, sambýliskonur eða kærustur. Í Danmörku eru kvennaathvörf komin í samstarf við lögreglu til að gera mönnunum erfiðara fyrir.

Erlent

Væri brot gegn lögum íslams

Æðstaráð múslimaklerka í Afganistan hafnar kröfu þjóðþings landsins um að Afgönum, sem grunaðir eru um stríðsglæpi, verði veitt sakaruppgjöf. Ráðið segir að virða beri rétt fórnarlambanna og vísar þar í íslömsk lög.

Erlent

Ók bílnum inn í svefnherbergi

Betur fór en á horfðist þegar 37 ára gamall maður ók tíu metra inn í íbúðarhús í Tirstrup í Danmörku í fyrrinótt. Til allrar hamingju var enginn heima þegar slysið átti sér stað, en maðurinn endaði í svefnherbergi hússins. Þar sem byggingin var gerð úr hleðslugrjóti átti lögreglan í töluverðum vandræðum með að ná manni og bíl út úr húsinu, en það hefði hugsanlega getað hrunið. Bílstjórinn slapp ómeiddur en lögreglu grunar hann um að hafa verið undir áhrifum áfengis.

Erlent

Eftirlaunaaldur hækki í 67 ár

Eftirlaunaaldur í Þýskalandi verður hækkaður upp í 67 ár samkvæmt frumvarpi ríkisstjórnarinnar sem neðri deild þýska þingsins samþykkti með miklum meirihluta á föstudag.

Erlent

Vald Bandaríkjanna ofmetið

Máttur Bandaríkjanna til þess að leysa deilumál Ísraela og Palestínumanna er oft stórlega ofmetinn, bæði af Bandaríkjamönnum sjálfum og einnig í Evrópuríkjum.

Erlent

Íslendingum haldið góðum

Finnska dagblaðið Hufvudstadsbladet fjallaði um málefni finnska flugfélagsins Finnair í leiðara í gær og sagði að meirihlutaeign finnska ríkisins í Finnair sé hagsmunamál finnsku þjóðarinnar. Hins vegar skipti miklu máli að halda Íslendingunum góðum. „Af hverju að neita þeim um sæti í stjórninni?“

Erlent

Ætlar ekki að bjóða sig fram

Jacques Chirac Frakklandsforseti ætlar ekki að bjóða sig fram í forsetakosningunum sem haldnar verða eftir hálfan annan mánuð. Chirac hefur verið forseti Frakklands í tvö kjörtímabil, samtals í tólf ár. Hann er orðinn 74 ára en hefur verið þögull um áform sín þangað til í gær að hann tilkynnti ákvörðun sína í sjónvarpsávarpi. „Ég ætla ekki að biðja um atkvæði ykkar fyrir þriðja kjörtímabilið,“ sagði hann. Samkvæmt skoðanakönnunum er Nicolas Sarkozy innanríkisráðherra sigurstranglegastur í kosningunum.

Erlent

Barack segist ekki móðgaður

„Ég varð nú ekkert mikið móðgaður út af þessum brandara,“ sagði Barack Obama, öldungadeildarþingmaður og hugsanlegur forsetaframbjóðandi í Bandaríkjunum. „Ég hef verið nefndur verri nöfnum.“

Erlent

Skildu eftir marijúana fyrir 1,4 milljarða

Farmur af marijúana, að verðmæti allt að 1,4 milljörðum íslenskra króna, fannst í yfirgefnum sendiferðabíl í Kaliforníu. Bifreiðin var ólæst og vélarhlífin heit en enginn var ökumaðurinn.

Erlent

Simbabve nálgast suðumark

Yfirvöld í Simbabve handtóku í dag einn af leiðtogum stjórnarandstöðunnar í landinu fyrir að rjúfa bann við pólitískum samkomum. Ástandið er afar viðkvæmt í landinu enda er atvinnuleysi mikið og efnahagurinn því sem næst í rúst.

Erlent

Snaraði þrettán fílakálfum

Indverski spekingurinn Sri Chinmoy er enn í fullu fjöri þótt hann sé kominn hátt á áttræðisaldur. Í vikunni brá hann sér til Taílands þar sem hann gerði sér lítið fyrir og lyfti 13 fílakálfum á þremur dögum.

Erlent

Rændi 101 árs gamla konu

Myndband sem sýnir óprúttinn ræningja hrinda hundrað og eins árs gamalli konu í gólfið og ræna svo handtösku hennar hefur vakið mikla reiði í Bandaríkjunum. Þrátt fyrir mikla leit er ræninginn enn ófundinn

Erlent

Spánverjar minnast hryðjuverka

Spánverjar minnast nú þess að þrjú ár eru liðin frá því að sprengjuárásir voru gerðar á lestarkerfi landsins en 191 lést í árásunum. 11 metra hár minnisvarði úr gleri var afhjúpaður í því tilefni en innan í hann eru áritaðar samúðaróskir og saknaðarkveðjur sem skrifaðar voru í kjölfar árásanna.

Erlent

Olmert fundar með Abbas

Forsætisráðherra Ísraels, Ehud Olmert, kom til Jerúsalem í dag til þess að eiga viðræður við Mahmoud Abbas, forseta Palestínu. Þetta er annar fundur þeirra á innan við mánuði. Búist er við því að viðræðurnar eigi eftir að snúast um nýlegt samkomulag Fatah og Hamas hreyfinganna um þjóðstjórn í Palestínu og hvernig samskiptum Ísraels við hana verður háttað.

Erlent

Bandaríkin flýta klukkunni

Bandaríkjamenn hafa flýtt klukkum sínum eina klukkustund þremur vikum fyrr en venjulega. Þetta gera þeir til þess að spara orku og menga minna. Þingmenn segja að þetta muni minnka til muna útblástur skaðlegra efna í andrúmsloftið og gæti sparað almenningi miklar fjárhæðir.

Erlent

Íranar bjartsýnir eftir friðarráðstefnu í Bagdad

Utanríkisráðuneytið í Íran sagði í dag að alþjóðlega ráðstefnan í Bagdad, þar sem Íran og Bandaríkin áttu fyrstu viðræður síðan árið 2003, hefði verið gott fyrsta skref í áttina að auknu öryggi og stöðugleika í Írak. Ráðamenn í Tehran gáfu einnig til kynna að þeir vonuðust til þess að seinni fundurinn um málefni Íraks eigi eftir að verða jafngóður. Seinni fundurinn á að eiga sér stað í Apríl og hann munu sækja utanríkisráðherrar þeirra landa sem sem sóttu fundinn í gær.

Erlent

Dómari í máli Saddams flýr Írak

Yfirdómarinn í máli Saddams Hússeins hefur flúið Írak og beðið um pólitískt hæli í Bretlandi. Dómarinn, Raouf Abdel-Rahman, er hluti af hinum kúrdíska minnihluta í Írak. Hann var yfirdómari í dómstólnum sem fann Saddam Hússein sekan og dæmdi hann síðan til dauða.

Erlent

Hamas og Fatah takast á

Liðsforingi í Hamas samtökunum lét lífið í dag í skotabardögum við liðsmenn Fatah hreyfingarinnar á norðuhluta Gaza-svæðisins. Átökin hófust í Beit Hanoun en þar voru gerðar árásir með klasasprengjum og handsprengjum í morgun.

Erlent

Stefnir í uppgjör í Zimbabwe

Stjórnarandstæðingar í Zimbabwe hafa heitið því að halda samkomu þrátt fyrir að stjórnvöld hafi sett bann á allar stjórnmálasamkomur næstu þrjá mánuði. Bannið var sett á vegna ofbeldis sem braust út á samkomu stjórnarandstæðinga í síðasta mánuði.

Erlent

Illa búið að breskum hermönnum

Yfir tuttugu þúsund breskir hermenn eru sagðir þjást af þunglyndi og öðrum geðsjúkdómum eftir að hafa verið sendir til Íraks og Afganistans. Þúsund manns úr þessum hópi eru á götunni og sú heilbrigðisþjónusta sem þeim býðst er bágborin. Nokkur dæmi eru um að þeir sem gegnt hafa herþjónustu í Írak hafi stytt sér aldur.

Erlent

Rússar kjósa í sveitastjórnarkosningum í dag

Meira en 30 milljón Rússar munu kjósa í sveitastjórnarkosningum í landinu í dag. Almennt er talið að kosningarnar séu nær því að vera undirbúningur fyrir þingkosningarnar en þær fara fram á næstunni.

Erlent

29 látnir og 12 slasaðir í Írak í morgun

Bílsprengja sprakk í morgun í miðborg Bagdad og létu að minnsta kosti 19 manns lífið. Frá þessu skýrði lögregla í borginni í morgun. Sprengingin varð í Karrada hverfinu í Bagdad en í því búa mestmegnis sjía múslimar.

Erlent

Fjöldamótmæli í Madríd

Tugþúsundir manna flykktust út á götu Madrídar, höfuðborgar Spánar í gær, til að mótmæla því að Jose Ignacio de Juana Chaos, liðsmaður Aðskilnaðarhreyfingar Baska, ETA, hefði verið færður úr öryggisgæslu yfir í stofufangelsi.

Erlent

Mest lesið