29 látnir og 12 slasaðir í Írak í morgun

Bílsprengja sprakk í morgun í miðborg Bagdad og létu að minnsta kosti 19 manns lífið. Frá þessu skýrði lögregla í borginni í morgun. Sprengingin varð í Karrada hverfinu í Bagdad en í því búa mestmegnis sjía múslimar.

Fólkið var að koma heim frá borginni Karbala þar sem mikil trúarhátíð sjía múslima var haldin. Ekki er ljóst hversu margir slösuðust í árásinni.

Í austurhluta Bagdad sprengdi sjálfsmorðssprengjumaður sig í loft upp í lítilli rútu í morgun. Tíu manns létu lífið og að minnsta kosti 12 manns slösuðust.