Erlent

Rússar banna smásala af erlendum uppruna

Rússar hafa bannað útlendingum að vinna sem smásalar í verslunum og á mörkuðum með nýjum lögum sem tóku gildi í dag. Um 20 þúsund útlendingar vinna á mörkuðum í Moskvu. Hefð hefur verið fyrir því frá tímum Sovétríkjanna. Vladimir Putin forseti Rússlands segir lögin séu sett þar sem hagsmunir Rússa séu í húfi.

Erlent

Enn deilt um sjóliðana

George Bush Bandaríkjaforseti fordæmdi í gær framgöngu íranskra stjórnvalda í deilunni vegna bresku sjóliðanna fimmtán sem þeir hafa í haldi sínu og sagði hana með öllu óafskanlega. Fyrr í gær fullyrti Mahmoud Ahmadinejad Íransforseti hið gagnstæða og sagði að bresk stjórnvöld gengju fram af hroka og eigingirni.

Erlent

Bush styður Gonzales

George Bush, forseti Bandaríkjanna, kom í gærkvöld Alberto Gonzales, dómsmálaráðherra landsins, til aðstoðar í þeirri orrahríð sem hann stendur nú. Gonzales er sakaður um að átta saksóknurum úr embætti sínu af pólitískum ástæðum.

Erlent

Ofbeldið í Írak eykst enn

Þrátt fyrir stórhertar öryggisráðstafanir í Írak létu fleiri lífið þar í ofbeldisverkum í marsmánuði en í mánuðinum þar á undan. Samkvæmt upplýsingum írösku ríkisstjórnarinnar dó 1.861 maður í landinu vegna átaka og hryðjuverka en í febrúar biðu 1.645 bana.

Erlent

Súkkulaði-Jesús veldur deilum

Listasafn í New York hefur hætt við sýningu þar sem súkkulaðihöggmynd af Jesú Kristi hefur verið til sýnis. Ástæðan er áköf mótmæli kaþólsks trúarhóps í landinu, sem taldi ekki við hæfi að sýningin væri haldin um páskana, stærstu trúarhátíð kristinna manna.

Erlent

Launamunur kynja 15 prósent innan ESB

Konur skipa 75 prósent nýrra starfa innan ESB frá árinu 2000. Atvinnuþátttaka kvenna er komin upp í 56,3 prósent en þær fá að meðaltali 15 prósentum lægri laun en karlar. Á Íslandi er atvinnuþátttaka kvenna betri en launamunur meiri.

Erlent

Hverfið opnað almenningi

Íbúar í Kristjaníu í Danmörku hafa samþykkt tillögur stjórnvalda um að koma aukinni reglu á húsnæðismál hverfisins til að stuðla að frekari uppbyggingu. Stofnuð verður deild sem mun annast rekstur bygginganna í hverfinu og leigja út íbúðir. Vilja stjórnvöld með þessu laða almenning til Kristjaníu og gera hverfið opnara en það hefur verið.

Erlent

Bannað að senda SMS

Stjórnvöld í Kambódíu hafa bannað notkun SMS-skilaboða í landinu þangað til kosningum í landinu lýkur í kvöld. Þannig geti frambjóðendur ekki nýtt sér tæknina til að hafa áhrif á kjósendur á meðan kosningar fara fram.

Erlent

Tákn bættra varnartengsla

Smíði evrópsku herflutningavélarinnar Airbus A400M er orðin að tákni fyrir þróuð varnarmálatengsl yfir Atlantshafið. Á tímabili stefndi hún þeim í hættu.

Erlent

Afplánar bara níu mánuði

Ástralinn David Hicks, sem hefur verið fangi í Guantanamo-fangabúðunum á Kúbu, þarf aðeins að afplána níu mánuði af sjö ára fangelsisdómi sínum.

Erlent

Skemmd í skögultönninni

Fíllinn Tanni, sem á heima í dýragarðinum í Portland í Oregon í Bandaríkjunum, á óskemmtilegan dag í vændum. Á morgun fer hann í heimsókn til tannlæknisins til að láta gera við aðra skögultönnina en hún hefur beðið viðgerðar í heil fjórtán ár.

Erlent

Scotland Yard aðstoðar við rannsókn á dauða Woolmers

Breska lögreglan Scotland Yard hyggst senda þrjár lögreglumenn til Jamaíku til að hjálpa til við rannsókn morðsins á Bob Woolmer, fyrrverandi þjálfara pakistanska landsliðsins í krikket. Lögreglan á Jamaíku óskaði eftir aðstoðinni.

Erlent

Lifði af fall af níundu hæð

Það þykir ganga kraftaverki næst að fimm ára gamall drengur komst lífs af þegar hann féll út um glugga af níundu hæð fjölbýlishúss í Hamilton í Ontario-fylki í Kanada.

Erlent

Refsingum hótað

Íranar láta að því liggja að bresku sjóliðarnir fimmtán, sem handteknir voru á dögunum, verði ákærðir og þeim refsað fyrir landhelgisbrot. Margaret Beckett, utanríkisráðherra Bretlands, kveðst áhyggjufull yfir stefnu íranskra stjórnvalda í málinu en hún sendi þeim opinbert svarbréf vegna þess í dag.

Erlent

Flokksmenn Mugabe styðja hann til áframhaldandi setu

Zanu, flokkur Roberts Mugabe forseta Simbave styður hann áfram til setu sem forseti. Þeir ákváðu í gær að standa við bakið á honum í kosningunum á næsta ári. Mugabe er 83 ára gamall og hefur setið í embætti forseta frá árinu 1980.

Erlent

Öll ljós slökkt í Sidney

Íbúar í Sidney í Ástralíu slökktu öll ljós í borginni í gærkvöldi í heilan klukkutíma. Þetta var gert til að vekja athygli á hlýnun loftslags. Aðeins hið fræga kennileiti, óperuhúsið var upplýst. Yfirvöld í Sidney vonast til þess að viðburðurinn veki heimsathygli á þeim vanda sem steðjar að mannkyni sökum hlýnun loftslags. Um fjórar milljónir manna búa í Sidney og langflestir tóku þátt í nótt.

Erlent

Maradona liggur enn á spítala en heilsast vel

Knattspyrnugoðsögninni Diego Maradona heilsast vel en hann liggur þó enn á spítala. Þangað var hann fluttur á miðvikudag eftir að hann féll niður á heimili sínu. Læknar kenna ofneyslu áfengis um það hvernig komið er fyrir kappanum.

Erlent

Dagar Kristjaníu senn taldir - þúsundir mótmæla

Minnst sjöþúsund mótmælendur eru saman komnir á götum Kaupmannahafnar til að mótmæla örlögum Kristjaníu sem réðust í gær. Þá samþykktu íbúar fríríkisins tilboð ríkisstjórnarinnar sem felur í sér uppbyggingu á svæðinu og þar með að dagar fríríkisins séu taldir.

Erlent

Dómari bannar nýjan flokk Baska

Þjóðernissinnuðum Böskum hefur verið bannað að stofna nýjan stjórnmálaflokk á Spáni. Dómari kvað upp þann úrskurð að nýi flokkurinn væri ekkert annað en leppur fyrir bannaða stjórnmálaflokkinn Batasuna. Til stóð að stofnsetja nýja flokkinn formalega í dag.

Erlent

Húðflúrsæði hjá landgönguliðum

Allir sem vettlingi geta valdið í bandaríska landgönguliðinu þyrpast nú þessa dagana á húðflúrsstofur því frá og með morgundeginum verður þeim bannað að láta tattúvera sig.

Erlent

Enn hart barist í Mogadishu

Enn er hart barist í Mogadishu höfuðborg Sómalíu. Bardagar brutust út í morgun, þriðja daginn í röð á milli stjórnarhersins sem nýtur fulltingi eþíópískra hermanna og uppreisnarmanna. Eþíópíumenn segjast hafa skotið 200 uppreisnarmenn til bana síðustu þrjá daga.

Erlent

Fimm ára drengur lifði af níu hæða fall

Fimm ára gamall drengur lifði af fall niður af níundu hæð í Ontario í Kanada í gær. Hann var að príla við glugga þegar hann féll út. Hann lenti á grasi og er á góðum batavegi. Hann er brotinn á báðum fótum en læknar fullyrða að hann muni ná sér að fullu.

Erlent

Sjóliðanna bíður líklega ákæra

Bresku sjóliðarnir fimmtán sem Íranar hafa í haldi sínu verða líklega ákærðir og dregnir fyrir dómara. Undirbúningur að lögsókn gegn þeim er sagður standa yfir. Bandaríkjastjórn ljáir ekki máls á að láta íranska fanga í skiptum fyrir Bretana.

Erlent

Ólga í Úkraínu

Stjórnmálakreppa virðist ríkja í Úkraínu um þessar mundir vegna harðnandi valdabaráttu Viktors Jústjenkó forseta og Viktors Janukovits forsætisráðherra. Fylkingar beggja hyggjast standa fyrir fjölmennum útifundum í höfuðborginni Kænugarði í dag og hefur lögregla talsverðan viðbúnað vegna þess.

Erlent

Hicks afplánar aðeins níu mánuði

Dómarar við herdómstólinn í Guantanamo hafa ákveðið að Ástralíumaðurinn David Hicks þurfi aðeins að afplána níu mánuði af dómi sínum en hann var dæmdur í sjö ára fangelsi í gær.

Erlent

Öllum íþróttaleikjum í Grikklandi frestað vegna óeirða

Öllum íþróttakappleikjum í Grikklandi hefur verið frestað í hálfan mánuð eftir að til óeirða kom á milli stuðningsmanna Panathinaikos og Olympiakos að loknum leik í kvennadeildinni í blaki. Einn lést í átökunum sem blossuðu upp á bílastæði leikvangsins í úthverfi Aþenu. Svo virðist sem um þrjú hundruð bullur hafi gengið berserksgang og ráðist á allt sem fyrir varð með hnífum, kylfum og grjóti. Fjölmargir særðust í ólátunum og urmull bíla var eyðilagður.

Erlent

Hollywood-skiltið í hættu

Minnstu mátti muna að Hollywood-skiltið fræga í Los Angeles í Bandaríkjunum yrði skógareldum að bráð í nótt en með snarræði slökkviliðsmanna tókst að forða því frá eyðileggingu. Tveir unglingspiltar gáfu sig í gærkvöld fram við lögregluna og sögðust hafa kveikt eld í sprekum á hæðunum fyrir ofan borgina sem síðan breiddist út.

Erlent

Sjóliðarnir líklega ákærðir

Bresku sjóliðarnir fimmtán sem Íranar handtóku fyrir rúmri viku vegna meintra landhelgisbrota verða líklega ákærðir og dregnir fyrir dómara. Undirbúningur að lögsókn gegn þeim er þegar hafin. Þetta fullyrti Gholamreza Ansari sendiherra Írans í Rússlandi í samtali við þarlenda sjónvarpsstöð í morgun.

Erlent

Fimm fórust í bílsprengjuárás í Bagdad

Fimm létu lífið og 22 særðust þegar bílsprengja sprakk fyrir utan sjúkrahús í Sadr-borg, stærsta sjíahverfis Bagdad í Írak í morgun. Þá liggja fjórir í valnum eftir svipaða árás í sjíabænum Hillah, sem er um eitt hundrað kílómetra suður af Bagdad.

Erlent

Mest lesið